ཌཆ་མཚོ་མཐའི་ སྦོ་ལོགས་ཁར་ སྣུམ་འཁོར་ ༣,༠༠༠ འབག་མི་ གྲུ་ཆེན་ཅིག་ལུ་མེ་རྐྱེན།

རོའི་ཊརཛ།
སྤྱི་ཟླ་ ༧ པའི་ཚེས་ ༢༦ ལུ་ ཌཆ་མཚོ་མཐའི་ སྦོ་ལོགས་ཁར་ སྣུམ་འཁོར་ ༣,༠༠༠ འབག་མི་ གྲུ་ཆེན་ཅིག་ལུ་ མེ་རྐྱེན་བྱུང་ཡོདཔ་ལས་ གྲུ་ཆེན་གྱི་ལས་བྱེདཔ་ ༡ ལུ་ ཤི་རྐྱེན་དང་ གཞན་མི་དག་པ་ཅིག་ལུ་ རྨ་སྐྱོན་བྱུང་ནུག།
དེ་ཡང་ རིང་ཚད་མི་ཊར་ ༡༩༩ འབད་མི་ གྲུ་ཆེན་དེ་ ཇར་མ་ནི་ལས་ ཨི་ཇིབ་ལུ་ འགྲུལ་སྐྱོད་འབད་བའི་ལམ་ཁར་ མེ་རྐྱེན་བྱང་སྟེ་ གྲུ་ཆེན་གྱི་ ལས་བྱེདཔ་དག་པ་ཅིག་གིས་ གྲུ་ཆེན་གྱི་ ཕྱི་ཁར་མཆོངས་ཡོདཔ་ད་ གྲུ་ཆེན་དེ་ནང་གི་ ལས་བྱེདཔ་ཚུ་ག་ར་ རྒྱ་གར་གྱི་ མི་ཁུངས་ཨིནམ་སྦེ་ བཤད་ཡོདཔ་ཨིན་པས། .
མེ་དེ་ གནམ་མེད་ས་མེད་ཤུགས་སྦེ་ འབར་དོ་ཡོདཔ་ལས་ བསད་ཚུགས་ཚུགས་ལུ་ ད་རུང་ཡང་ ཉིན་གྲངས་དག་པ་ཅིག་ འགོར་ནི་བཟུམ་ཅིག་ཡོདཔ་ད་ མེ་རྐྱེན་དེ་ ག་དེ་སྦེ་ བྱུང་བྱུངམ་ཨིན་ནའི་སྐོར་ལས་ ཤེས་མ་ཚུགསཔ་ཨིན་པས།
ཨིན་རུང་ གྲུ་ཆེན་དེ་ནང་ གློག་འཕྲུལ་སྣུམ་འཁོར་ཚུ་ཡོདཔ་ལས་ འཕྲལ་འཕྲལ་ར་ གློག་འཕྲུལ་སྣུམ་འཁོར་གྱི་ འཕྲུལ་ལྟོ་ནང་ལས་ མེ་རླུང་ཐོན་ཏེ་ མེ་འབར་ནི་གི་ ཉེན་ཁ་ཚུ་ཡོད་ཟེར་ཨིནམ་ད་ གྲུ་ཆེན་དེ་ནང་ སྣུམ་འཁོར་མར་སི་ཌིཟ་བེནཟ་ ༣༥༠ དེ་ཅིག་ཡང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: