རྒྱ་གར་ལུ་ ཧིན་དུའི་ཆོས་ལུགས་སྐོར་ལས་ཡོད་མི་ ཡོངས་འབྲེལ་ནང་ རྫས་བམ་གྱི་ཉེན་བརྡ།

ཨེན་ཌི་ཊི་ཝི།
རྒྱ་གར་པུ་ནེ་ལུ་ མི་ངོམ་ཅིག་གིས་ ཧིན་དུའི་ཆོས་ལུགས་སྐོར་ལས་ ཡོངས་འབྲེལ་ཅིག་ ལག་ལེན་འཐབ་མིའི་ནང་ མི་གཞན་ཅིག་གིས་ རྒྱ་གར་ལུ་ རྫས་བམ་བཙུགས་ནི་དང་ བློན་ཆེན་ན་རེན་ད་ར་མོ་དི་ བཀྲོངས་ནི་ཨིན་པའི་ ཉེན་བརྡ་ཚུ་ བཀོད་དེ་ཡོདཔ་ཨིན་པས།
གནད་དོན་དེ་གི་སྐོར་ལས་ རྒྱ་གར་གྱི་ ཉེས་འགེལ་ཁྲིམས་དེབ་དང་འཁྲིལ་ཏེ་ པུ་ནེ་ཨ་ལཱན་ཀར་ ཁྲིམས་སྲུང་འགག་སྡེའི་ དམག་སྒར་ནང་ ཉེས་འགེལ་ཨིན་པའི་ ཐོ་བཀོད་འབད་དེ་ཡོདཔ་ད་ ཉེན་བརྡ་དེ་ཡང་ སྤྱི་ཟླ་ ༨ པའི་ཚེས་ ༦ ལུ་ ངོ་མིང་ཨེམ་ཨེ་ མོ་ཁིམ་ཟེར་མི་ཅིག་གིས་ བཀོད་ཡོདཔ་ལས་ ཞིབ་དཔྱད་ཚུ་འབད་ནི་ འགོ་བཙུགས་ནུག།
དེ་སྦེ་ ཧིན་དུའི་ཆོས་ལུགས་སྐོར་ལས་ ཡོངས་འབྲེལ་ལག་ལེན་འཐབ་མི་ ངོམ་དུ་དྷ་ནེ་དེ་ ཁོ་རའི་བུ་ སྨན་བཅོས་ཀྱི་དོན་ལས་ པུ་ནེ་ལུ་ སྒེར་གྱི་སྨན་ཁང་ཅིག་ནང་ སོང་ཡོདཔ་ད་ དེ་བསྒང་ ཁོ་གིས་ ཡོངས་འབྲེལ་བལྟ་བའི་སྐབས་ལུ་ ཨེམ་ཨེ་མོ་ཁིམ་གྱིས་ རྒྱ་གར་ལུ་ གས་རྫས་བཀལ་ནི་གི་ འཆར་གཞི་ཡོད་ལུགས་དང་ དྲག་ཐོག་དབང་བཙོང་འབད་མི་ཚུ་ལུ་ མ་དངུལ་ཚུ་ བྱིན་ཞིནམ་ལས་ ཧིན་དུའི་ཆོས་ལུགས་ མེདཔ་བཏང་ནི་ཨིན་པའི་གུ་ ན་རེན་ད་ར་མོ་དི་ཡང་ བཀྲོངས་ནི་ཨིནམ་སྦེ་ བཀོད་དེ་འདུག་ཟེར་ཨིན་པས།
དུ་དྷ་ནེ་གིས་ དེ་འཕྲལ་ལས་ ཁྲིམས་སྲུང་འགག་སྡེ་ལུ་ སྙན་ཞུ་འབད་ཡོདཔ་བཞིན་དུ་ ཁྲིམས་སྲུང་འགག་སྡེ་གིས་ ཞིབ་དཔྱད་འབད་ནི་ འགོ་བཙུགས་ནུག་ཟེར་ བཀོད་འདུག་པའི་གནས་ཚུལ།

Please follow and like us: