ཧ༌ཝའི་ལུ་ མེ་རྐྱེན་གྱིས་ མི་ ༥༣ ལུ་ཤི་རྐྱེན།

བི་བི་སི།
ཧ་ཝའི་མཚོ་གླིང་ མ་ཨུའི་ལུ་ ག་ནི་བ་ཡང་ མགྱོགས་ཤུགས་ཅན་གྱི་ མེ་རྐྱེན་བྱུང་མིའི་ནང་ ཉུང་ཤོས་ར་ མི་གྲངས་ ༥༣ དེ་ཅིག་ལུ་ ཤི་རྐྱེན་བྱུང་ནུག།
དེ་ཡང་ མཚོ་གླིང་དེ་གི་ བལྟ་བཤལ་ཁྲོམ་སྡེ་གཙོ་བོ་ ལ་ཧའི་ན་ཟེར་སར་ རླུང་འཚུབ་དང་བཅས་པའི་ མེ་རྐྱེན་ལུ་བརྟེན་ཏེ་ མི་ལེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ སྡོད་ཁྱིམ་ཚུ་ཡང་ འཚིགས་ཡོདཔ་ཨིན་པས།
དེ་བཟུམ་མའི་ གནས་སྟངས་ནང་ མི་སྟོང་ཕྲག་ལས་བཅད་དེ་ ས་གནས་གཞན་ཁར་ སྤོ་འགྱོ་དགོཔ་ ཐོན་ཡོདཔ་ད་ ས་ཁོངས་དེ་ གློ་བུར་གནས་སྟངས་ཀྱི་ ས་ཁོངས་སྦེ་ གསལ་བསྒྲགས་འབད་དེ་ ད་རེས་ གར་སོང་མེད་པའི་ མི་ངོམ་ཚུ་ འཚོལ་ཞིབ་དང་ སྲོག་སྐྱབས་ཀྱི་ལཱ་ཚུ་ ལག་ལེན་འཐབ་དོ་ཡོདཔ་སྦེ་བཀོད་ནུག།
ས་གནས་དེ་ཁའི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ས་གནས་མ་ཨུའི་ལུ་ གནས་སྐབས་ཀྱི་ སྒར་ཚུ་ནང་ མི་མ་ཤོང་པའི་ དཀའ་ངལ་ཐོན་ཏེ་ཡོདཔ་ལས་ ཉེན་སྲུང་མེད་པའི་ ས་ཁོངས་དེ་ནང་ བལྟ་བཤལ་པ་ཚུ་ཡང་ འོང་ནི་མེདཔ་སྦེ་ བཀག་ཆ་འབད་དེ་ བཞག་ཡོདཔ་ཨིན་པས།
སྤྱི་ཟླ་ ༨ པའི་ཚེས་ ༨ ལས་ མེ་རྐྱེན་བྱུང་མིའི་ནང་ མི་ལེ་ཤ་ཅིག་ལུ་ རྨ་སྐྱོན་ཚུ་ཡང་ བྱུང་སྟེ་ཡོདཔ་ལས་ མཚོ་གླིང་དེ་ཁའི་ སྨན་ཁང་ཚུ་ནང་ སྨན་བཅོས་ཚུ་འབད་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: