རྒྱ་གར་རྒྱལ་ཁབ་ཀྱི་ འཕྲུལ་སྐར་ཅཱན་དར་ཡཱན་-༣ པ་ ཟླ་བའི་གུ་ཆགས་ཡོདཔ།

ཨེན་ཌི་ཊི་ཝི།
རྒྱ་གར་གྱི་ འཕྲུལ་སྐར་ཅཱན་དར་ཡཱན་-༣ པ་དེ་ ཟླ་བའི་ལྷོ་ཕྱོགས་ཀྱི་རྩེ་ལུ་ ཆགས་ཡོདཔ་ད་ ད་རེས་ འཕྲུལ་སྐར་ཟླ་བའི་གུ་ མཐར་འཁྱོལ་ཅན་སྦེ་ ཆགས་ཚུགས་མི་དེ་ ཡུ་ཨེཛ་དང་ རྒྱ་ནག་ དེ་བསྒང་གི་ སོ་བིཊ་ཡུ་ནི་ཡཱན་ཚུ་གི་ཤུལ་ལས་ རྒྱ་གར་རྒྱལ་ཁབ་དེ་ ཨང་ ༤ པ་ཐོན་ནུག།
དེ་ཡང་ སྤྱི་ཟླ་ ༨ པའི་ཚེས་ ༢༣ ལུ་ འབྱུང་རབས་ཅན་གྱི་ འཕྲུལ་སྐར་དེ་ ཟླ་བའི་གུ་ ཆགས་ནི་འབདཝ་ད་ རྒྱ་གར་རྒྱལ་ཁབ་ མཐའ་དབུས་མེད་པའི་ ས་གནས་ཚུ་ནང་ སྤྲོ་སྟོན་དང་ སྨོན་ལམ་ཚུ་ འདུ་ཤེས་དྲག་པོའི་སྒོ་ལས་ ལག་ལེན་འཐབ་ཡོདཔ་ཨིན་པས།
རྒྱ་གར་གྱི་ མཁའ་དབྱིངས་ཞིབ་འཚོལ་ལས་ཚོགས་ཀྱིས་ ཁོང་རའི་ཡོངས་འབྲེལ་འཆར་སྒོའི་ནང་ལས་ འཕྲུལ་སྐར་ཟླཝ་གུ་ ཆགས་པའི་སྐབས་ཀྱི་ མཐོང་སྣང་ཚུ་་ དངོས་མཐོང་སྦེ་ གསལ་སྟོན་འབད་ཡོདཔ་ད་ འཕྲུལ་སྐར་ཅཱན་དར་ཡཱན་-༣ པ་དེ་ སྤྱི་ཟླ་ ༧ པའི་ཚེས་ ༡༤ ལུ་ སི་རི་ཧ་རི་ཀོ་ཊ་ལས་ གནམ་ཁར་བཏང་ཡི་ཟེར་ བཀོད་འདུག་པའི་གནས་ཚུལ།

Please follow and like us: