རྒྱ་གར་གྱི་ བློན་ཆེན་དང་ རྒྱ་ནག་གི་ སྲིད་འཛིན་ ༢ ཀྱི་བར་ན་ ས་མཚམས་ཀྱི་ བྲེལ་ཟིང་མར་ཕབ་འབད་ནི་ལུ་ཞལ་འཆམ།

སི་ཨེན་ཨེན།
སྤྱི་ཟླ་ ༨ པའི་ཚེས་ ༢༤ ལུ་ རྒྱ་གར་གྱི་ ཕྱི་འབྲེལ་དྲུང་ཆེན་གྱིས་ ལོ་ངོ་ ༣ གྱི་ཧེ་མ་ རྒྱ་གར་དང་ རྒྱ་ནག་གི་ ས་མཚམས་ཁར་ ས་སྲུང་ཚུ་གི་བར་ན་ བྲེལ་ཟིང་ཚབས་ཆེན་ཅིག་ བྱུང་ཞིནམ་ལས་ཚུར་ དབུ་ཁྲིད་ ༢ ཀྱི་བར་ན་ དངོས་སུ་སྦེ་ མཇལ་ཕྲད་མཛད་མ་ཚུགས་ཟེར་ བཤདཔ་ཨིན་པས།
ཨིན་རུང་ ད་རེས་ ཨཕ་རི་ཀ་ ཇོ་ཧ་ནེཛ་བཱག་ལུ་ བི་རིགཛ་དཔལ་འབྱོར་སྡེ་ཚན་གྱི་ འཐུས་མི་རྒྱལ་ཁབ་ཚུ་གི་ དབུ་ཁྲིད་ཞལ་འཛོམས་སྐབས་ལུ་ དབུ་ཁྲིད་ ༢ མཇལ་ཕྲད་མཛད་དེ་ རྒྱལ་ཁབ་ ༢ ཀྱི་བར་ན་ ས་མཚམས་ཁར་ བྲེལ་ཟིང་ཚབས་ཆེན་ མར་ཕབ་འབད་ནི་ལུ་ བརྩོན་ཤུགས་འཐེབ་བསྐྱེད་ནི་སྦེ་ ཞལ་འཆམ་བྱུང་ཡི་ཟེར་ཨིན་པས།
དེ་བཟུམ་སྦེ་ རྒྱ་ནག་གི་ ཕྱི་འབྲེལ་ལྷན་ཁག་ལས་ཡང་ དབུ་ཁྲིད་ ༢ ཀྱི་བར་ན་ རྒྱལ་ཁབ་ཀྱི་ མཐུན་ལམ་སྐོར་ལས་ བསམ་འཆར་ཚུ་ སྦ་གསང་མེད་པར་ ཡོངས་རྫོགས་སྦེ་ར བརྗེ་སོར་གནང་ཡི་ཟེར་ བཤད་ཡོདཔ་ཨིན་པས།
དེ་ཡང་ རྒྱ་གར་དང་ རྒྱ་ནག་གི་བར་ན་ ས་མཚམས་གསུང་གྲོས་ཐེངས་ ༡༩ པ་ མཇུག་བསྡུ་སྟེ་ བདུན་ཕྲག་ ༡ གི་ཤུལ་ལས་ དབུ་ཁྲིད་ ༢ ཀྱི་བར་ན་ གསུང་གྲོས་བྱུང་པ་ལུ་བརྟེན་ཏེ་ རྒྱལ་ཁབ་ ༢ ཀྱི་ མཐུན་ལམ་ལེགས་སྒྱུར་འགྱོ་བའི་ རེ་འདུན་སྦོམ་ཡོད་ཟེར་ བཀོད་འདུག་པའི་གནས་ཚུལ།

Please follow and like us: