ཏ་ཡེ་ཝཱན་གྱི་ ས་ཁོངས་ཚུ་ནང་ རྒྱ་ནག་གིས་ དམག་སྦྱོང་ལོག་སྟེ་ར་ འགོ་བཙུགས་ཡོདཔ།

རོའི་ཊརཛ།
སྤྱི་ཟླ་ ༨ པའི་ཚེས་ ༢༥ ལུ་ ཏ་ཡེ་ཝཱན་གྱིས་ གདོང་ལན་རུང་བའི་ ས་ཁོངས་ཚུ་ནང་ རྒྱ་ནག་གི་ མཁའ་དམག་གནམ་གྲུ་ ༡༣ དང་ གྲུ་ཟིང་ ༥ ཕྱད་མདའ་གྲ་སྒྲིག་གི་དོན་ལས་ དམག་སྦྱོང་འབད་ནི་ ལོག་སྟེ་ར་ འགོ་བཙུགས་ཅི་ཟེར་ ཏ་ཡེ་ཝཱན་གྱི་ སྲུང་སྐྱོབ་ལྷན་ཁག་ལས་ བཤད་ཡོདཔ་ཨིན་པས།
དེ་བཟུམ་སྦེ་ དེ་ཚེ་ སྤྱི་ཟླ་ ༨ པའི་ཚེས་ ༡༩ ལུ་ཡང་ ཏ་ཡེ་ཝཱན་གྱི་ སྲིད་འཛིན་འོགམ་ ཝི་ལི་ཡམ་ལའེ་གིས་ ཡུ་ཨེཛ་ལུ་ གཟིགས་སྐོར་གནང་པའི་ རྒྱབ་འགལ་ལུ་ རྒྱ་ནག་གིས་ ཏ་ཡེ་ཝཱན་གྱི་ མཐའ་བསྐོར་ཏེ་ ཉིནམ་ ༡ གི་རིང་ལུ་ དམག་སྦྱོང་ལས་རིམ་ འགོ་འདྲེན་འཐབ་ནུག།
དེ་ཡང་ དྲོ་པའི་ཆུ་ཚོད་ ༧ དེ་ཅིག་ལས་ རྒྱ་ནག་གི་ ཕྱད་མདའ་རྐྱབ་མི་དང་ རྫས་བམ་བཀོག་མི་ སྔོན་བརྡའི་གནམ་གྲུ་དང་ གནམ་གྲུ་ཆུང་བ་ཌཱོན་ཚུ་དང་བཅསཔ་སྦེ་ གནམ་གྲུ་བསྡོམས་ ༢༢ ཀྱི་གྲས་ལས་ གནམ་གྲུ་ ༡༣ ཏ་ཡེ་ཝཱན་གྱིས་ གདོང་ལན་རུང་བའི་ ས་ཁོངས་ཚུ་ནང་ འཕུར་འགྲུལ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: