ཇོ་ཧ་ནེཛ་བཱག་ལུ་ སྒྲིང་ཁྱིམ་ཅིག་ མེ་རྐྱེན་ཤོར་མིའི་ནང་ མི་གྲངས་ ༧༤ ལུ་ཤི་རྐྱེན།

བི་བི་སི།
ཇོ་ཧ་ནེཛ་བཱག་གི་ སྒྲིང་ཁྱིམ་ཅིག་ལུ་ མེ་རྐྱེན་བྱུང་ཡོདཔ་ལས་ མི་གྲངས་ ༧༤ དེ་ཅིག་ལུ་ ཤི་རྐྱེན་དང་ ༤༠ ལྷགཔ་ཅིག་ལུ་ རྨ་སྐྱོན་བྱུང་ནུག།
ཇོ་ཧ་ནེཛ་བཱག་གི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ཁྲོ་སྡེ་ལྟེ་བའི་ནང་ཡོད་མི་ སྒྲིང་ཁྱིམ་ཐོག་ ༥ འབད་མིའི་ནང་ མེ་རྐྱེན་ག་དེ་སྦེ་ བྱུང་ཡོདཔ་ཨིན་ན་ གསལ་ཏོག་ཏོ་སྦེ་ ཤོས་མ་ཚུགས་ཟེར་ཨིན་པས།
མི་སྡེ་བརྡ་བརྒྱུད་ ཊུའི་ཊར་ནང་ བཙུགས་ཡོད་མི་ དཔར་ནང་ལས་ མེ་གིས་འཚིགས་མི་ སྒྲིང་ཁྱིམ་གྱི་ སྒོ་ཅུང་ཚུ་དང་ ཤི་རྐྱེན་བྱུང་མིའི་ ཕུངམོ་དེ་ཚུ་ སྒྲིང་ཁྱིམ་གྱི་ ཉེ་འདབས་ལུ་ གྱལ་བསྒྱིགས་ཏེ་བཞག་སར་ མཐོང་དོ་ཡོདཔ་ད་ སྒྲིང་ཁྱིམ་དེ་ནང་ སྡོད་མི་ཚུ་ཡང་ མང་ཤོས་ཅིག་ ཨཕ་རི་ཀའི་ རྒྱལ་ཁབ་གཞན་ཚུ་ལས་ གནས་སྤོ་འོང་མི་ཚུ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: