བྱང་ཀོ་རི་ཡ་གིས་ རྡུལ་ཕྲན་མཚོན་ཆའི་སྒོ་ལས་ ལྷོ་ཀོ་རི་ཡ་ལུ་ གནོད་འཚུབ་ཀྱི་དཔེ་སྟོན།

བི་བི་སི།
བྱང་ཀོ་རི་ཡ་གིས་ ལྷོ་ཀོ་རི་ཡའི་ དམག་སྒར་ཚུ་ནང་ དམིགས་གཏད་བསྐྱེད་དེ་ རྡུལ་ཕྲན་མཚོན་ཆའི་ཐོག་ལས་ གནོད་འཚུབ་བཀལ་ནི་གི་ དཔེ་སྟོན་བཟུམ་ཅིག་སྦེ་ རྒྱང་ཐུང་མགྱོགས་ཤུགས་ཀྱི་ མི་ཛ་ཡེལ་ ༢ བརྟག་དཔྱད་ཐོག་ལས་བཏང་ནུག།
དེ་ཡང་ ཡུ་ཨེཛ་གིས་ ཐབས་བྱུས་ཅན་གྱི་ རྫས་བམ་བཀོག་མི་ དམག་མི་ཚུ་ ལུང་ཕྱོགས་དེ་ནང་ བཙུགས་ཡོད་མིའི་ རྒྱབ་འགལ་ལུ་ཨིནམ་ད་ བྱང་ཀོ་རི་ཡ་གིས་ དེ་བཟུམ་མའི་ བྱ་སྤྱོད་དེ་ཡང་ ཝ་ཤིང་ཊཱོན་དང་ སི་འུལ་ ༢ ཀྱིས་ ལོ་བསྟར་དམག་སྡེའི་ སྦྱོང་བརྡར་ཚུ་འབད་བའི་ དུས་སྐབས་ནང་ ལག་ལེན་འཐབ་ནུག།
བྱང་ཀོ་རི་ཡའི་ དམག་སྡེ་གིས་འབད་བ་ཅིན་ མི་ཛ་ཡེལ་ཚུ་ ཕྱི་རོ་ཁམས་ཅིག་ཁར་ ལྷོ་ཀོ་རི་ཡའི་ དམག་སྡེ་ལྟེ་བ་དང་ གནམ་ཐང་གཙོ་བོ་ཚུ་ནང་ དམིགས་གཏད་བསྐྱེད་དེ་ དཔེ་སྟོན་ལག་ལེན་འཐབ་ཅི་ཟེར་ཨིན་པས།
དེ་མ་ཚད་ ཁོང་གི་ཁ་ཐུག་ལས་ ཉེན་བརྡ་ག་དེམ་ཅིག་འབད་རུང་ ཡ་འབད་མ་བཏུབ་པར་ ཐབས་བྱུས་ཅན་གྱི་ རྡུལ་ཕྲན་མཚོན་ཆ་ཚུ་ བཙུགས་མི་དེ་ ཁོང་ལུ་ དོ་འགྲན་འབད་བའི་ གཞི་ཨིནམ་ལས་ ཉེན་བརྡ་གསལ་ཏོག་ཏོ་སྦེ་ར་ ལག་ལེན་འཐབ་པའི་ཚུལ་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: