རྒྱ་གར་གྱིས་ ཉིམ་བལྟ་ཞིབ་ཀྱི་ འཕྲུལ་སྐར་ཅིག་ མཁའ་དབྱིངས་ལུ་བཏང་ཡོདཔ།

བི་བི་སི།
རྒྱ་གར་གྱིས་ འཕྲལ་ཁམས་ཅིག་ཁར་ འཕྲུལ་སྐར་ ༡ མཁའ་དབྱིངས་ལུ་བཏང་སྟེ་ ཟླ་བའི་ལྷོ་ཕྱོགས་ཀྱི་ རྩེ་ལུ་ཆགས་མི་ འགོ་དང་པ་ཨིནམ་ལས་ ཡོངས་གྲགས་ཅན་གྱི་ འབྱུང་རབས་ནང་ ཚུད་པའི་ཤུལ་ལས་ ད་རུང་ཡང་ ཉིམ་བལྟ་ཞིབ་ཀྱི་ འཕྲུལ་སྐར་དང་པ་ ཨ་དི་ཏི་ཡ་-ཨེལ་༡ ཟེར་མི་དེ་ མཁའ་དབྱིངས་ལུ་བཏང་ནུག།
དེ་ཡང་ སྤྱི་ཟླ་ ༩ པའི་ཚེས་ ༢ ལུ་ རྒྱ་གར་གྱི་ ཉིན་མའི་ཆུ་ཚོད་ ༡༡.༥༠ ལུ་ སི་རི་ཧ་རི་ཀོ་ཊ་ལས་ གནམ་ཁར་བཏང་ཡོདཔ་ད་ འཕྲུལ་སྐར་དེ་ འཛམ་གླིང་ལས་ ནམ་མཁའ་སྟོང་པའི་ནང་ ཀི་ལོ་མི་ཊར་ ས་ཡ་ ༡.༥ འབདཝ་ད་ འཛམ་གླིང་དང་ ཉིམ་གི་བར་ན་ རྒྱང་ཐག་བརྒྱ་ཆ་ ༡ གི་ནམ་མཁར་ ལྡིང་སྐོར་ཐོག་ལུ་ བཞག་ནི་ཨིན་པས།
རྒྱ་གར་གྱི་ ཉི་ཁྱིམ་ཞིབ་འཇུག་གི་ འཕྲུལ་སྐར་གྱི་མིང་དེ་ཡང་ ཧིན་དུའི་ཆོས་ལུགས་ཀྱི་ ཉི་མའི་ལྷ་ སུ་རི་ཡ་ཟེར་མི་ལུ་ གཞིར་བཞག་སྟེ་ ཨ་དི་ཏི་ཡ་ཟེར་བཏགས་ནུག།
འཕྲུལ་སྐར་དེ་ ལྡིང་སྐོར་ཐོག་ལུ་ སྡོད་སར་ལྷོདཔ་ད་ འཛམ་གླིང་གིས་ ཉིམ་ལྡིང་སྐོར་རྐྱབ་དོ་ཡོད་པའི་ ཤུགས་ཚད་ཁར་ ལྡིང་སྐོར་རྐྱབ་ཚུགས་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: