རྒྱ་པཱན་གྱིས་ འཕྲུལ་སྐར་ཅིག་ ཟླ་བའི་ནང་བཏང་ཡོདཔ།

ཨེན་ཌི་ཊི་ཝི།
སྤྱི་ཟླ་ ༩ པའི་ཚེས་ ༧ ལུ་ རྒྱ་པཱན་གྱིས་ ཟླ་བའི་ནང་ འཕྲུལ་སྐར་ཅིག་ བཏང་ཡོདཔ་ད་ དེ་ཡང་ ཟླཝ་ཧེ་མའི་ནང་ རྒྱ་གར་གྱིས་ འཕྲུལ་སྐར་ཅིག་ ཟླ་བའི་ལྷོ་ཕྱོགས་ཀྱི་རྩེ་ལུ་ ཆགས་ཚུགས་ཏེ་ འཛམ་གླིང་ནང་ འབྱུང་རབས་ཅན་གྱི་ གྲུབ་འབྲས་ཅིག་ཧིནམ་སྦེ་ ངོས་འཛིན་བྱུང་པའི་ཤུལ་ལས་བཏང་ནུག།
རྒྱ་པཱན་གྱི་ འཕྲུལ་སྐར་ཨེཆ་༢-ཨེ་ཟེར་མི་དེ་ རྒྱ་པཱན་ལྷོ་ཕྱོགས་ས་གནས་ ཏ་ནེ་ག་ཤི་མ་ཟེར་ས་ལས་ བཏང་མི་དེ་ ཟླཝ་ ༤ དང་ ༦ གི་བར་ན་ ཟླ་བའི་གུ་ ཆགས་ནི་ཨིན་པས།
འཕྲུལ་སྐར་དེ་ གནམ་ཁར་བཏང་པའི་སྐབས་ལུ་ ཡོངས་འབྲེལ་ཐོག་ལས་ མི་གྲངས་ ༣༥,༠༠༠ དེ་ཅིག་གིས་ བལྟ་ཡོདཔ་ད་ འཕྲུལ་སྐར་དེ་ནང་ རྒྱ་པཱན་གྱི་མཁའ་དབྱིངས་ཞིབ་འཚོལ་དང་ ཡུ་ཨེཛ་གི་ནཱ་ས་ དེ་ལས་ ཡུ་རོབ་མཁའ་དབྱིངས་ལས་སྡེ་ཚུ་གིས་ གོང་འཕེལ་བཏང་ཡོད་པའི་ ཞིབ་འཚོལ་གྱི་ འཕྲུལ་སྐར་ཆུང་བ་ཅིག་ཡང་ཡོདཔ་ཨིན་པས།
རྒྱ་པཱན་གྱིས་ ཧེ་མར་ཡང་ ཟླ་བའི་ནང་ འཕྲུལ་སྐར་བཏང་ནི་གི་ དཔའ་བཅམ་ཡོད་རུང་ མཐར་འཁྱོལ་བྱུང་མ་ཚུགས་པར་ ལུས་སོང་ནུག་ཟེར་ བཀོད་འདུག་པའི་གནས་ཚུལ།

Please follow and like us: