མ་ཡཱན་མར་གྱི་ དབུ་ཁྲིད་བགྲེསཔ་ལུ་ སྨན་བཅོས་ཀྱི་ གོ་སྐབས་མ་བྱིན་པར་ཡོདཔ།

ཨེ་བི་སི།
སྤྱི་ཟླ་ ༩ པའི་ཚེས་ ༧ ལུ་ མ་ཡཱན་མར་གྱི་ དབུ་ཁྲིད་བགྲེསཔ་ ཨམ་ཨང་སཱན་སུ་ཀིའི་ བུ་གིས་འབད་བ་ཅིན་ ཁོ་གི་ཨའི་དེ་ གཟུགས་ཁམས་སྒྲིང་སྒྲིང་མེད་རུང་ སྨན་བཅོས་ཀྱི་གོ་སྐབས་ བྱིན་མ་བཏུབ་ཟེར་ཨིན་པས།
ཨམ་སུ་ཀི་དེ་ མོ་རའི་ཁྱིམ་ནང་ དོ་དམ་འོག་ལུ་ བཞག་ཡོད་རུང་ ལོག་སྟེ་ར་ བཙོན་ཁང་ནང་ ཁྱིད་ཡོདཔ་ད་ དྲག་པོའི་གཞུང་གིས་ ཨམ་སུ་ཀི་དེ་ ལེགས་ཤོམ་སྦེ་ར་ཡོདཔ་སྦེ་ གསལ་བཤད་འབད་ནུག།
སྐྱེས་ལོ་ ༧༨ འབད་མི་ ཨམ་སུ་ཀི་དེ་ སྤྱི་ལོ་ ༢༠༢༡ སྤྱི་ཟླ་ ༢ པའི་ནང་ མོ་གི་སྲིད་གཞུང་ བཙན་འཕྲོག་ཐོག་ལས་ མོ་ལུ་ བཙག་འཐུ་དང་འབྲེལ་བའི་ གཡོ་སྒྱུ་དང་ ངན་ལྷད་ཚུ་གི་ ཉེས་འཛུགས་བཀལ་ཏེ་ དོ་དམ་འོག་ལུ་ བཞག་ཡོད་རུང་ མང་ཤོས་ཀྱིས་ ཉེས་འཛུགས་དེ་ཚུ་ བདེན་ཁུངས་མེདཔ་སྦེ་ བཤདཔ་ཨིན་པས།
དེ་མ་ཚད་ ཨཱཛ་ཊེ་ལི་ཡ་དང་ ནུབ་ཕྱོགས་རྒྱལ་ཁབ་ཚུ་གིས་ཡང་ ཨམ་སུ་ཀི་གིས་གཙོས་པའི་ འགོ་དཔོན་གཞན་ཚུ་ག་ར་ བཙོན་ཁང་ནང་ལས་ གཏང་དགོཔ་སྦེ་ སླབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: