ཡུ་ཀེ་རེན་གྱིས་ ཡུ་ཨེཛ་དང་ མཉམ་འབྲེལ་ཐོག་ལས་ གོ་མཚོན་བཟོ་བསྐྲུན།

རོའི་ཊརཛ།
ཡུ་ཀེ་རེན་གྱིས་ མཁའ་དབྱིངས་སྲུང་སྐྱོབ་ཀྱི་ གོ་མཚོན་ཚུ་ བཟོ་བསྐྲུན་འབད་ཚུགསཔ་ བཟོ་ཐབས་ལུ་ ཡུ་ཀེ་རེན་དང་ ཡུ་ཨེཛ་ ༢ མཉམ་འབྲེལ་ཐོག་ལས་ གོ་མཚོན་ཚུ་ བཟོ་བསྐྲུན་འབད་ནི་ལུ་ ཁ་འཆམ་བྱུང་ནུག།
དེ་ཡང་ སྤྱི་ཟླ་ ༩ པའི་ཚེས་ ༢༢ ལུ་ ཡུ་ཀེ་རེན་ སྲིད་འཛིན་གྱིས་ ཡུ་ཨེཛ་ལུ་ གཟིགས་སྐོར་གནང་མི་དེ་ མཇུག་བསྡུཝ་དང་འབྲེལ་ཏེ་ རྒྱལ་ཁབ་ ༢ ཀྱི་བར་ན་ གོ་མཚོན་བཟོ་བསྐྲུན་གྱི་ ཆིངས་ཡིག་དེ་ ཡུན་རིང་གི་དོན་ལས་ བཟོ་ཡི་ཟེར་ཨིན་པས།
དེ་མ་ཚད་ ར་ཤི་ཡ་དང་གཅིག་ཁར་ དམག་འཁྲུག་ལང་སྟེ་ ཟླཝ་ ༡༩ དེ་ཅིག་ འགྱོ་མིའི་ནང་ཡང་ ར་ཤི་ཡའི་ གནོད་འཚུབ་བཟློག་ཐབས་ལུ་ གོ་མཚོན་གྱི་ དགོས་མཁོ་སྦོམ་སྦེ་ར་ བྱུང་སྟེ་ཡོད་པའི་སྐོར་ལས་ཡང་ གསལ་བཤད་གནང་ནུག།
ཡུ་ཀེ་རེན་གྱིས་ ད་རེས་ དམག་འཁྲུག་ལང་མིའི་ནང་ གོ་མཚོན་གྱི་དོན་ལས་ ནུབ་ཕྱོགས་རྒྱལ་ཁབ་ཚུ་ལུ་ བརྟེན་དགོ་དོ་ཡོདཔ་ད་ དེ་བཟུམ་མའི་ གནས་སྟངས་ལྷོད་ཡངས་ཀྱི་དོན་ལས་ ནང་འཁོད་སྲུང་སྐྱོབ་བཟོ་གྲྭ་དེ་ གཞི་སྒྱུར་ཐོག་ལས་ དུས་མཐུན་བཟོ་ནི་ལུ་ བརྩོན་ཤུགས་བསྐྱེདཔ་ཨིན་་པས་ཟེར་ བཀོད་འདུག་པའི་གནས་ཚུལ།

Please follow and like us: