ཡུ་ཀེ་རེན་གྱི་ མི་ཛ་ཡེལ་གྱིས་ ར་ཤི་ཡའི་ དམག་སྒར་གལ་ཅན་ཅིག་ལུ་ཕོག་ཡོདཔ།

བི་བི་སི།
ར་ཤི་ཡ་གིས་ བཤད་དོ་བཟུམ་འབད་བ་ཅིན་ ས་གནས་ཀིར་མི་ཡ་ལུ་ བེ་ལེག་སཱི་ རྒྱ་མཚོའི་ནང་ཡོད་མི་ ར་ཤི་ཡའི་ གལ་གནད་ཅན་གྱི་ མཚོ་དམག་སྡེ་ཚན་གྱི་ དམག་སྒར་ལྟེ་བ་ལུ་ གནོདཔ་བཀལ་བའི་ཤུལ་ལས་ ར་ཤི་ཡའི་ དམག་མི་ཅིག་ བྱང་སྟོར་ཤོར་ཡི་ཟེར་ཨིན་པས།
དེ་ཡང་ ཡུ་ཀེ་རེན་གྱི་ མི་ཛ་ཡེལ་ཅིག་གིས་ སེ་བཱཛ་ཊཱུལ་ ཁྲོམ་ཁར་ཡོད་མི་ སྒྲིང་ཁྱིམ་ཅིག་གུ་ ཕོག་པའི་ཤུལ་ལུ་ སྒྲིང་ཁྱིམ་དེ་ཁ་ལས་ དུ་པ་ཚུ་ཐོན་སར་ མཐོང་པ་ལུ་བརྟེན་ཏེ་ ར་ཤི་ཡ་གིས་ ས་གནས་དེ་ཁར་ བསྐོ་བཞག་འབད་དེ་ཡོད་མི་ སྤྱི་འཛིན་གྱིས་ ཁྲོམ་ཚོགས་དེ་ཁར་ སྡོད་མི་ཚུ་ལུ་ ཉེན་བརྡ་འབད་ནུག།
དེ་མ་ཚད་ ཡུ་ཀེ་རེན་གྱིས་ དེ་གི་ཧེ་མ་ཡང་ མཚོ་དམག་སྡེ་ཚན་དེ་ཁར་ གནོད་འཚུབ་སྦོམ་སྦེ་ར་ བཀལ་བའི་གུ་ ད་རུང་ཡང་ ཉིན་གྲངས་ ༡༠ གྱི་རྒྱབ་ལས་ ལོག་སྟེ་ར་ གནོད་འཚུབ་བཀལ་ཡོདཔ་ལས་ སེ་བཱཛ་ཊཱུལ་ ཁྲོམ་དེ་ནང་གི་ མི་སེར་ཚུ་ རང་སོའི་ཁྱིམ་ནང་ར་ སྡོད་དགོ་པའི་ ནན་བསྐུལ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: