རྒྱ་གར་ལུ་ སིག་ངོ་རྒོལ་སྡེ་ཚན་ཚུ་སྡོད་པའི་ དོགས་པ་ཡོད་མི་ ས་ཁོངས་ ༥༣ གྱི་ནང་ རྟོག་མེད་ཞིབ་དཔྱད།

སི་ཨེན་ཨེན།
རྒྱ་གར་གྱི་ དྲག་ཐོག་དབང་བཙོང་བཀག་སྡོམ་ལས་སྡེ་གིས་ མངའ་སྡེ་ ༧ གྱི་ནང་ དྲག་ཐོག་དབང་བཙོང་དང་ ཉེས་ཅན་སྡེ་ཚན་ཚུ་སྡོད་སའི་ ས་ཁོངས་ ༥༣ གྱི་ནང་ རྟོག་མེད་ཞིབ་དཔྱད་ཚུ་འབད་ཡོདཔ་ད་ དེ་བཟུམ་མའི་ སྡེ་ཚན་ལ་ལོ་ཅིག་ སིག་ངོ་རྒོལ་སྡེ་ཚན་དང་ཡང་ འབྲེལ་བ་ཡོདཔ་ཨིན་པས།
དེ་ཡང་ སྤྱི་ཟླ་ ༩ པའི་ཚེས་ ༢༧ ལུ་ རྟོག་མེད་ཞིབ་དཔྱད་ཚུ་འབདཝ་ད་ གོ་མཚོནཔིཛ་ཏཱོལ་དང་ མདེའུ་ རྫས་བམ་ དེ་ལས་ ཨང་གནས་ཐབས་འཕྲུལ་ཚུ་ ཐོབ་ཡོད་མི་དང་འབྲེལ་ཏེ་ འཛིན་བཟུང་འབད་མིའི་གྲས་ཁར་ ལ་ལོ་ཅིག་ ཁ་ལིཛ་ཏཱན་ལུ་ རྒྱབ་སྐྱོར་འབད་མི་ སྡེ་ཚན་ཚུ་དང་ འབྲེལ་བ་ཡོད་པའི་ དོགས་པ་ཡོདཔ་ཨིན་པས།
ཁ་ལིཛ་ཏཱན་ཟེར་མི་དེ་ རྒྱ་གར་གྱི་ པཱན་ཇབ་མངའ་སྡེ་ལུ་ སིག་མི་རིགས་ཀྱི་དོན་ལས་ ལུང་ཕྱོགས་ལོགས་སུ་སྦེ་ གཞི་བཙུགས་འབད་ཐབས་ལུ་ ངོ་རྒོལ་འབད་མི་སྡེ་ཚན་ལུ་ སླབ་ཨིན་པས།
རྒྱ་གར་གྱི་ རྒྱལ་ཡོངས་ཞིབ་དཔྱད་ལས་སྡེ་གིས་ འཕྲལ་ཁམས་ཀྱི་ རྟོག་མེད་ཞིབ་དཔྱད་དེ་ཡང་ ཉེས་ཅན་སྡེ་ཚན་ཚུ་གིས་ མི་དམར་བསད་འབད་མི་དང་ ཁ་ལིཛ་ཏཱན་ སྡེ་ཚན་ཚུ་ལུ་ མ་དངུལ་བྱིན་མི་ མི་སེར་ཚུ་ལས་ དབང་བཙོང་ཐོག་ལུ་ མ་དངུལ་བསྡུ་ལེན་ཚུ་དང་འབྲེལ་བའི་ ལཱ་ངན་ཚུ་ ལག་ལེན་འཐབ་ཅི་ཟེར་ཨིན་པས།
དེ་བཟུམ་མའི་ ལཱ་བྱ་འཐབ་མི་ ལེ་ཤ་ཅིག་ར་ བཙོན་ཁང་ཚུ་ནང་ཡོད་རུང་ ལ་ལོ་ཅིག་གིས་ ཕྱིའི་རྒྱལ་ཁབ་ པ་ཏིཛ་ཏཱན་དང་ ཀེ་ན་ཌ་ མ་ལེ་ཤི་ཡ་ པོར་ཊུ་གཱལ་ ཨཱཛ་ཊེ་ལི་ཡ་ རྒྱལ་ཀབ་ཚུ་གི་ནང་ལས་ དྲག་ཐོག་དབང་བཙོང་གི་ ལཱ་ཚུ་འབདཝ་མས་ཟེར་ཨིན་པས།
སྡེ་ཚན་དེ་གི་ བརྗོད་དོན་དང་འཁྲིལཝ་ད་ ཧེ་མ་ རྒྱ་གར་རྒྱལ་ཁབ་ནང་ ཉེས་ལཱ་ཚུ་ ལག་ལེན་འཐབ་སྟེ་སྡོད་མི་ ཉེས་ཅན་གྱི་ མི་ངོམ་དང་ སྡེ་ཚན་མང་ཤོས་ཅིག་ འཕྲལ་ཁམས་ཀྱི་ ལོ་ཚུ་ནང་ ཕྱིའི་རྒྱལ་ཁབ་ཚུ་ནང་ བྲོས་ཟུར་སོང་སྟེ་ ཉེས་ལཱ་ཚུ་འབདཝ་མས་ཟེར་ཨིན་པས།
ད་རེས་ རྟོག་མེད་ཞིབ་དཔྱད་དེ་ དིལླི་དང་ ཅཱན་དི་གར་ མངའ་མངའ་སྡེ་གིས་གཙོས་པའི་ པཱན་ཇབ་དང་ ཧ་རི་ཡ་ན་ ཨུ་ཏར་པར་དེཤ་ ར་ཇཱཛ་ཐཱན་ དེ་ལས་ ཨུ་ཏར་ཁཱན་ མངའ་སྡེ་ཚུ་ནང་ ལག་ལེན་འཐབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: