པ་ཀིཛ་ཏཱན་ལུ་ རྫས་བམ་གས་པའི་ རྐྱེན་ངན་ནང་ མི་གྲངས་ ༥༠ ལྷགཔ་ཅིག༌ལུ་ཤི་རྐྱེན།

བི་བི་སི།
སྤྱི་ཟླ་ ༩ པའི་ཚེས་ ༢༩ ལུ་ པ་ཀིཛ་ཏཱན་གྱི་ ལྷོ་ནུབ་མངའ་སྡེ་ བ་ལོ་ཀིཛ་ཏཱན་ལུ་ རྫས་བམ་གས་བཅུག་པའི་ རྐྱེན་ངན་ནང་ མི་གྲངས་ ༥༠ ལྷགཔ་ཅིག་ལུ་ ཤི་རྐྱེན་བྱུང་ཡོདཔ་ད་ དེ་བསྒང་ པ་ཀིཛ་ཏཱན་གྱི་༌མི་སེར་ཚུ་ ཁོང་རའི་ཆོས་ལུགས་ཀྱི་སྟོན་པ་ མུ་ཧཱ་མཱཌ་གི་ འཁྲུངས་སྐར་བརྩི་སྲུང་གི་དོན་ལས་ འཛོམས་ཡོདཔ་ཨིན་པས།
དེ༌ཡང༌ པ་ཀིཛ་ཏཱན་ བ་ལོ་ཀིཛ་ཏཱན་གྱི་ཁྲོམ་ མཱཛ་ཏུང་ལུ་ མི་དམངས་འཛོམས་སར་ རང་མེད་རོགས་མེད་ བཟོ་ཐབས་སྒྲིག་མི་གིས་ རྫས་བམ་བསྐྱུར་ཡོད་པའི་ དོགས་པ་ཡོད་པའི་སྐོར་ལས་ ཁྲིམས་སྲུང་འགག་སྡེ་གིས་ གསལ་བཤད་འབད་ནུག།
རྐྱེན་ངན་དེ་ནང་ མི་སེར་ལེ་ཤ་ཅིག་ལུ་ཡང་ རྨ་སྐྱོན་བྱུང་ཡོདཔ་ལས་ སྨན་ཁང་ ༢ ཀྱི་ནང་ བསྐྱལ་ཡོདཔ་ད་ ནང་སྲིད་བློན་པོ་ སར་ཕ་རཱཛ་གིས་ དེ་བཟུམ་མའི་ བྱ༌ངན་དེ་ ནག་ཅན་གྱི་ ལཱ་ཅིག་ཨིནམ༌སྦེ༌ བཤད་ཡོདཔ་ཨིན་པས།
དེ་སྦེ་ རྫས་བམ་གས་པའི་ཤུལ་ལུ་ ས་གནས་དེ་ གློ་བུར་གནས་སྟངས་ཀྱི་ ས་གནས་སྦེ་ གསལ་བསྒྲགས་འབད་ཡོདཔ་ད་ བྱ་ངན་དེ་གི་སྐོར་ལས་ སྡེ་ཚན་ག་གིས་ཡང་ ཁ་བཟེད་མ་བཏུབ་པས་ཟེར་ བཀོད་འདུག་པའི་གནས་ཚུལ།

Please follow and like us: