གཞུང་ལམ་བདའ་སྟེ་ སྨྱོ་རྫས་བརྟག་དཔྱད་འབདཝ་ད་ མི་ངོམ་ ༢༥ གིས་ སྨྱོ་རྫས་ལོག་སྤྱོད་འབད་བའི་མངོན་གསལ།

སྤྱི་ཟླ་ ༩ པའི་ཚེས་ ༢༩ ལུ་ ཐིམ་ཕུ་ལས་ སྤུ་ན་ཁ་ལུ་ འགྲུལ་སྐྱོད་འབད་བའི་ལམ་ཁར་ ས་གནས་ལྷུང་མཚོ་ལུ་ ཐིམ་ཕུ་སྨྱོ་རྫས་སྡེ་ཚན་གྱིས་ དེད་གཡོགཔ་དང་ འགྲུལ་པ་ཚུ་ག་ར་ལུ་ བརྟག་ཞིབ་འབདཝ་ད་ མི་ངོམ་ ༢༥ གིས་ སྨྱོ་རྫས་སྤྱོད་ཡོད་པའི་ མངོན་གསལ་བྱུང་ནུག།
དེ་ཡང་ འབྲུག་རྒྱང་བསྒྲགས་ཀྱིས་ བཀོད་དོ་བཟུམ་འབད་བ་ཅིན་ སྨྱོ་རྫས་སྤྱོད་མི་ཚུ་གི་གྲས་ལས་ མི་ངོམ་ ༡ གིས་ ཨེཛ་པི་པ་ལཱཛ་ཟེར་མི་ སྨན་ཐུམ་འབག་སྟེ་ཡོདཔ་ལས་ དོ་དམ་འོག་ལུ་ བཞག་ནུག་ཟེར་ཨིན་པས།
དེ་ལས་ སྨྱོ་རྫས་སྤྱོད་མི་གཞན་ཚུ་ བསླབ་སྟོན་གྱི་དོན་ལས་ གཏང་ནི་ཨིནམ་ད་ དེ་སྦེ་ སྨྱོ་རྫས་སྤྱོད་མི་ཚུ་ཡང་ སྐྱེས་ ༡༧ ལས་ ༣༥ གི་བར་ན་འབད་མི་ཚུ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: