ཐིམ་ཕུ་ལས་ སྨྱོ་རྫས་ལོག་སྤྱོད་འབད་མི་ མི་ངོམ་ ༦ འཛིན་བཟུང་།

སྤྱི་ཟླ་ ༡༠ པའི་ཚེས་ ༣ ལུ་ སྨྱོ་རྫས་དང་ ཉེས་སྤྱོད་སྡེ་ཚན་གྱིས་ སྐྱེས་ལོ་ ༢༡ ལས་ ༢༨ ཀྱི་བར་ན་འབད་མི་ མི་ངོམ་ ༦ ཐིམ་ཕུ་ལུ་ཡོད་མི་ སི་ནུ་ཀར་ རྩེད་ཁང་ཅིག་གི་ནང་ལས་ སྨྱོ་རྫས་ལོག་སྤྱོད་དང་འབྲེལ་བའི་ ཉེས་འཛུགས་ཐོག་ལུ་ འཛིན་བཟུང་འབད་ནུག།

དེ་བསྒང་ ཞིབ་དཔྱད་སྡེ་ཚན་གྱིས་ སྐྱེས་ལོ་ ༢༡ འབད་མི་ མི་ངོམ་ ༡ ལས་ སྨྱོ་རྫས་སི་པཱཛ་མོ་ པོ་རོག་སི་ཝཱོན་པ་ལཱཛ་ སྨན་ཐུམ་ ༤༡ ཐོབ་ཡོདཔ་མ་ཚད་ བཟའ་ཁང་ཅིག་གི་ ཁང་མིག་ ༡ གི་ནང་ལས་ཡང་ སྨྱོ་རྫས་སི་པཱཛ་མོ་ པོ་རོག་སི་ཝཱོན་པ་ལཱཛ་ སྨན་ཐུམ་ ༡,༡༥༢ ཐོབ་ཡོདཔ་ཨིན་པས། མ་གཞི་ ཁོང་གི་ཕམ་ཚུ་ ཐིམ་ཕུ་ལུ་ སྡོད་མི་ཨིན་རུང་ འདས་པའི་བདུན་ཕྲག་ནང་ ཁོང་ཆ་ཁྱབ་ བཟའ་ཁང་ནང་ སྡོད་ཡོད་པའི་ ངོས་འཛིན་བྱུང་ཡོད་པའི་གནས་ཚུལ།

Please follow and like us: