མི་རྗེ་བློན་ཆེན་མཆོག་གིས་ ཐིམ་ཕུ་བརྡ་བརྒྱུད་ལྷན་འཛོམས་ཁང་གི་ འགོ་འབྱེད་མཛད་ཡོདཔ།

སྤྱི་ཟླ་ ༡༠ པའི་ཚེས་ ༣ ལུ་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་གིས་ ཐིམ་ཕུ་བརྡ་བརྒྱུད་ལྷན་འཛོམས་ཁང་གི་ འགོ་འབྱེད་མཛད་ཡོདཔ་ད་ འགོ་འབྱེད་རྟེན་འབྲེལ་དེ་ནང་ རྒྱལ་ཡོངས་ཚོགས་འདུའི་ ཚོགས་དཔོན་དང་ སྤྱི་ཚོགས་ཀྱི་ འཐུས་མི་ཚུ་གིས་ གྲལ་གཏོགས་འབད་ཡོདཔ་མ་ཚད་ ཇར་མེ་ནི་ལས་ སྤྱི་ཚོགས་ཀྱི་ འཐུས་མི་ ༧ ཨཱཛ་ཊི་ཡ་ལས་ སྤྱི་ཚོགས་ཀྱི་ འཐུས་མི་ ༢ ལྷོ་ཨེ་ཤི་ཡའི་ ཕེ་རེ་ཌིག་ནའུ་མེན་ རང་དབང་གཞི་ཚོགས་ཀྱི་ ལས་གཡོགཔ་ཚུ་ དེ་ལས་ བརྡ་བརྒྱུདཔ་ཚུ་དང་ བརྡ་བརྒྱུད་ལྷན་འཛོམས་ཁང་གི་ འཐུས་མི་ཚུ་གིས་ གྲལ་གཏོགས་འབད་ཡི།

བརྡ་བརྒྱུད་ལྷན་འཛོམས་ཁང་དེ་ གཞི་བཙུགས་འབད་དགོ་པའི་ དམིགས་དོན་དེ་ཡང་ བརྡ་བརྒྱུད་སྒྲིང་སྒྲིང་བཟོ་ཐོག་ལས་ མི་མང་གི་ རྩོད་བསྡུར་ཚུ་ གོང་འཕེལ་དང་ བརྡ་བརྒྱུདཔ་ཚུ་དང་ ཁྱད་རིག་མ་འདྲཝ་ཚུ་གི་བར་ན་ མཉམ་འབྲེལ་ཚུ་ ཡར་དྲགས་གཏང་ཐབས་ལུ་ཨིན་པས།

བརྡ་བརྒྱུད་ལྷན་འཛོམས་ཁང་གི་ འཐུས་མི་ཚུ་ཡང་ བརྡ་བརྒྱུདཔ་ཚུ་དང་ གཞུང་གཡོགཔ་ སྤྱི་ཚོགས་ཀྱི་འཐུས་མི་ མི་སྡེ་ལས་ཚོགས་ ལས་འཛིན་ སྒེར་སྡེ་ དོན་གཅོདཔ་ མི་སྡེ་ དེ་ལས་ ལུང་ཕྱོགས་དང་ རྒྱལ་སྤྱི་ལས་ཚོགས་ཚུ་ལས་ཡོདཔ་ཨིན་པའི་གནས་ཚུལ།