བི་རི་ཊེན་གྱི་ རྒྱལམོ་ཨེ་ཟ་བེཐ་ དཀྲོངས་ཐབས་བསྒྲིགས་མི་ལུ་ ལོ་ངོ་ ༩ གི་བཙོན་ཁྲིམས།

ཨེན་ཌི་ཊི་ཝི།
བི་རི་ཊེན་གྱི་མི་ཁུངས་ སྐྱེས་ལོ་ ༢༡ འབད་མི་ སིག་ཆོས་ལུགས་ཀྱི་ མི་ངོམ་ཇཱཛ་ཝཱན་སིང་ཅེལ་གྱིས་ སྤྱི་ལོ་ ༢༠༢༡ ལུ་ ཡེ་ཤུའི་དུས་སྟོན་ ཀི་རིཛ་མཱཛ་གི་ཉིན་མར་ མདའ་གཞུ་འབག་སྟེ་ ཝིན་སོར་ཕོ་བྲང་ནང་ རྒྱལམོ་དཀྲོངས་ནི་ཨིན་ཟེར་ བཙན་འཛུལ་འབད་ཡོདཔ་ལས་ སྤྱི་ཟླ་ ༡༠ པའི་ཚེས་ ༥ ལུ་ ལོ་ངོ་ ༩ གི་ བཙོན་ཁྲིམས་བཀལ་ནུག།
ཇཱཛ་ཝཱན་སིང་གིས་ དེ་བཟུམ་མའི་ གྱོས་ངན་བརྩམས་མི་དེ་ཡང་ སྤྱི་ལོ་ ༡༩༡༩ ལུ་ རྒྱ་གར་ཨམ་རིཏ་སར་གྱི་ ས་གནས་ཇ་ལི་ཡཱན་བྷག་ལུ་ཟེར་སར་ མི་ལེ་ཤ་ཅིག་ སྤུངས་འཛོམས་འབད་མི་ཚུ་ དམར་བསད་འབད་ཡོད་པའི་ དགྲ་ལན་འཇལ་ཐབས་ལུ་ཨིན་ཟེར་ སླབ་ཡོདཔ་ཨིན་པས།
ད་རེས་ ཁོ་ལུ་ དེ་སྦེ་ བཙོན་ཁྲིམས་ཡངས་སུ་སྦེ་ བཀལ་མི་དེ་ཡང་ སེམས་ཁམས་ཀྱི་ ནད་གཞི་ཡོད་མི་ཅིག་འབདཝ་ལས་ ཁྲིམས་ཀྱི་འདུན་ས་ལས་ ཇཱཛ་ཝཱན་སིང་དེ་ དམ་བཙོན་ནང་ མ་བཏང་པའི་ཧེ་མར་ ཉེན་སྲུང་དང་ལྡན་པའི་ སྨན་ཁང་ཅིག་ནང་ བཞག་དགོ་པའི་ བཀའ་རྒྱ་གནང་ནུག་ཟེར་ བཀོད་འདུག་པའི་གནས་ཚུལ།

Please follow and like us: