ཨིཛ་རེལ་གྱིས་ གནོད་འཚུབ་བཀལ་བའི་ཤུལ་ལས་ ཧ་མཱཛ་སྡེ་ཚན་གྱིས་ རོ་ཀེཊ་ཚུ་གི་སྒོ་ལས་དགྲ་ལན།

ཨེན་ཌི་ཊི་ཝི།
པེ་ལིཛ་ཊིན་གྱི་ས་གནས་ ག་ཟ་ལུ་ཡོད་མི་ ཞི་བའི་མི་སེར་ཚུ་གི་ སྐྱབས་བཅོལ་བའི་སྒར་ ༢ གུ་ ཨིཛ་རེལ་གྱིས་ མཁའ་དམག་གནམ་གྲུའི་ཐོག་ལས་ གནོད་འཚུབ་བཀལ་ཡོདཔ་ལས་ སྤྱི་ཟླ་ ༡༠ པའི་ཚེས་ ༡༢ ལུ་ ཧ་མཱཛ་དམག་མི་སྡེ་ཚན་གྱིས་ ཊེལ་ཨ་བིབ་ལུ་ མགྱོགས་མཚོན་རོ་ཀེཊ་ཚུ་གི་ཐོག་ལས་ གནོད་འཚུབ་བཀལ་ནུག།
དེ་ཡང་ དུས་ཡུན་སྐར་ཆ་ ༣༠ དེ་ཅིག་གི་རིང་ལུ་ ཨཱལ་ཤ་ཏི་ཟེར་སའི་ སྐྱབས་བཅོལ་བའི་སྒར་ཚུ་གི་ ཁ་ཐུག་ལུ་ གནམ་གྲུའི་ཐོག་ལས་ གནོད་འཚུབ་ཚར་ལེ་ཤ་ཅིག་བཀལ་ཏེ་ ཨཱལ་ཤ་ཏི་ལུ་ སྒྲིང་ཁྱིམ་ ༦ མེདཔ་བཏང་ཡོདཔ་མ་ཚད་ ཕུངམོ་ ༧ དེ་ཅིག་ཡང་ མཐོང་ཡོདཔ་ཨིན་པས།
དེ་བཟུམ་མའི་ དམག་འཁྲུག་ལངས་མི་དེ་ སྤྱི་ཟླ་ ༡༠ པའི་ཚེས་ ༧ ལུ་ ཨིཛ་ལ་མིག་ ཆོས་ལུགས་འཛིན་མི་ཚུ་གིས་ ས་གནས་ག་ཟ་ལུ་ གནོད་འཚུབ་སྦོམ་བཀལ་ཏེ་ མི་གྲངས་ ༡,༢༠༠ ལྷགཔ་ཅིག་ དམར་བསད་འབད་ནི་དེ་གིས་ ཨིཛ་རེལ་གྱིས་ མཁའ་དམག་གནམ་གྲུའི་ཐོག་ལས་ གནོད་འཚུབ་བཀལ་ནི་ འགོ་བཙུགས་ནུག་ཟེར་ བཀོད་འདུག་པའི་གནས་ཚུལ།

Please follow and like us: