ཡུ་ཀེ༌རེན་གྱི༌ ཨབ་དིབ་ཀ་ཁྲོམ་ཁར་ ར་ཤི་ཡ་གིས་གནོད་འཚུབ།

སི་ཨེན་ཨེན།
ཡུ་ཀེ་རེན་གྱི་ འགོ་དཔོན་ཚུ་གིས་ བཤད་དོ༌བཟུམ༌འབད༌བ༌ཅིན་ ར་ཤི་ཡའི༌ དམག་མི་ཚུ་གིས་ ཡུ་ཀེ༌རེན་ ཤར་ཕྱོགས་ས་གནས་ ཨབ་དིབ་ཀ་ཁྲོམ་ཁར་ གནོད་འཚུབ་སྦོམ༌སྦེ༌ར༌ བཀལ་ཡོད་རུང་ ས་གནས་དེ་ནང་ བཙན་འཛུལ་འབད་མ་ཚུགས་པར་ཡོད་ཟེར་ཨིན་པས།
དེ༌ཡང༌ ས་གནས་དེ་ཁར་ ཕྱད་མདའ་རྐྱབ་སྟེ་ ཉིནམ་ ༤ གི་རིང་ལུ་ ཕྱོགས་གཉིས་ཆ་རའི་ ཁ་ཐུག་ལས་ རྒྱུན་ཆད་མེད་པར་ གོ་མཚོན་ཆེ་ཆུང་མ་འདྲཝ་ཚུ་ ལག་ལེན་འཐབ་སྟེ་ཡོད་ཟེར་ཨིནམ༌ད་ ར་ཤི་ཡའི༌ ཁ་ཐུག་ལས་ མཚོན་ཆ༌ཚུ༌ ལག་པར་ག་ཚུདཔ་སྦེ༌ ལག་ལེན་འཐབ་དོ་ཟེར་ ཨབ་དིབ་ཀ་ དམག་སྡེའི་འགོ་འཛིན་གྱིས་ གསལ༌བཤད་འབད༌ནུག།
ཨིན༌རུང༌ དམག་སྡེ་ ༢ ཀྱི་བར་ན་ གདོང་ཐུག་མ་འབད་བར༌ཡོདཔ་ད་ ར་ཤི་ཡའི་ཧོངས་ལས་ ཁྲོམ་མཐའ་བསྐོར་ནི་གི་ ཐབས་ཤེས་ལུ་ ཨབ་དིབ་ཀ་ཁྲོམ་གྱི་ ལྷོ་དང་ ནུབ་ཕྱོགས་ཚུ་ནང་ གཙོ་བོར་བཏོནམ༌ཨིན༌པས༌ཟེར༌ བཀོད༌འདུག༌པའི༌གནས༌ཚུལ།

Please follow and like us: