སྣུམ་འཁོར་ཐུག་རྐྱེན་ནང་ ནང་མི་བཟའ་ཚང་ ༣ ལུ་ཤི་རྐྱེན།

སྤུ་ན་ཁ་ བླམ་དཔལ་རི་ གླིང་གའི་ ཉེ་འདབས་ལུ་ སྣུམ་འཁོར་ཅིག་ ཐུག་རྐྱེན་བྱུང་མི་ནང་ བཟའ་ཚང་ཕོ་མོ་ ༢ དང་ ཁོང་རའི་བུ་ ༡ འབདཝ་ད་ མི་ངོམ་ ༣ ལུ་ ཤི་རྐྱེན་བྱུང་ནུག།
དེ་ཡང་ སྤྱི་ཟླ་ ༡༠ པའི་ཚེས་ ༡༢ ལས་ར་ གར་སོང་མེད་པར་ བྱང་ཡོད་པའི་ སྙན་ཞུ་ཡོད་རུང་ ཐུག་རྐྱེན་བྱུང་སའི་ ས་ཁོངས་དེ་ སྤྱི་ཟླ་ ༡༠ པའི་ཚེས་ ༡༤ ལུ་མ་གཏོགས་ འཚོལ་མ་ཐོབ་ཨིན་པས།
སྣུམ་འཁོར་དེ་ ལམ་འོག་ལས་མར་ མི་ཊར་ ༡༣༠ དེ་ཅིག་གི་ས་ཁར་ རྦོབ་རིལ་སོང་ཡོདཔ་ད་ དེ་བསྒང་ ཁོང་བཟའ་ཚང་ནང་མི་ ༣ སྤུ་ན་ཁ་ལས་ ཕུན་ཚོགས་གླིང་ལུ་ འགྲུལ་བསྐྱོད་འབད་བའི་བསྒང་ཨིན་པས།
ཁོང་གི་ཕུངམོ་ཚུ་ ཁོང་རའི་ཉེ་ཚན་ཚུ་ལུ་ རྩིས་སྤྲོད་འབད་ཡོདཔ་ད་ ཐུག་རྐྱེན་དེ་གི་སྐོར་ལས་ རྒྱལ་གཞུང་འབྲུག་གི་འགག་སྡེ་གིས་ དབྱེ་ཞིབ་འབད་དོ་ཡོདཔ་ཨིན་པའི་གནས་ཚུལ།

Please follow and like us: