རྒྱལ་ཁབ་ནང་ དྲུང་འཚོའི་མཐོ་རིམ་ཤེས་ཡོན་སློབ་སྦྱོང།

གེ་སར་རྒྱལ་པོ་ གསོ་རིག་གཙུག་ལག་སློབ་སྡེའི་ནང་ དྲུང་འཚོའི་མཐོ་རིམ་ཤེས་ཡོན་གྱི་ སློབ་སྦྱོང་འགོ་བཙུགས་ནི་ཨིནམ་ལས་ ལོ་ངོ་ ༥ གི་རྒྱབ་ལས་ ང་བཅས་རའི་ རྒྱལ་ཁབ་ནང་ལས་ དྲུང་འཚོ་སྡེ་ཚན་དང་པ་ འཐོན་ནི་ཨིན་པས།
དེ་ཡང་ སྨན་བཅོས་ཤེས་ཡོན་ ལེགས་སྒྱུར་ལུ་དམིགས་ཏེ་ སློབ་ཕྲུག་ ༢༥ གིས་ སྨན་བཅོས་དང་ གཤག་བཅོས་ཀྱི་ མཐོ་རིམ་ཤེས་ཡོན་ཚུ་ རྒྱལ་ཁབ་ནང་འཁོད་ལུ་ར་ ལྷབ་སྦྱང་འབད་ནི་ཨིན་པས།
གེ་སེར་རྒྱལ་པོ་ གསོ་རིག་གཙུག་ལག་སློབ་སྡེའི་ནང་ འགོ་འདྲེན་འཐབ་ནི་ཨིན་མི་ དྲུང་འཚོའི་མཐོ་རིམ་ཤེས་ཡོན་གྱི་ སློབ་སྦྱོང་དེ་ཡང་ རྒྱལ་བཙུན་ཁབ་ཏུ་བཞེས་པའི་ དུས་སྟོན་དང་འབྲེལ་ཏེ་ ཐིམ་ཕུ་སེམས་རྟོགས་ཁའི་ རྫོང་ནང་སྦེ་ འགོ་འབྱེད་རྟེན་འབྲེལ་མཛད་ནུག།
དེ་བསྒང་ མི་རྗེ་བློན་ཆེན་ ཌོག་ཊར་བློ་གྲོས་ཚེ་རིང་གིས་ ལས་རིམ་འདི་ འབྲུག་གི་གསོ་བའི་ལམ་ལུགས་ ལེགས་སྒྱུར་གྱི་དོན་ལུ་ཨིན་ཟེར་ གསུངས་ཡོདཔ་ད་ དེ་བཟུམ་སྦེ་ གཙུག་ལག་སློབ་སྡེའི་ གཙོ་འཛིན་གྱིས་ཡང་ ད་རེས་ དྲུང་འཚོའི་སློབ་སྦྱོང་དེ་ རྒྱལ་ཁབ་ནང་ འགོ་བཙུགས་ནི་དེ་གིས་ འབྲུག་ལུ་ སྨན་བཅོས་ཀྱི་ ཁྱད་ལཱ་འབད་མིའི་ དཀའ་ངལ་ཚུ་ བསལ་ཚུགས་ནི་མས་ཟེར་ཨིན་པས།
སློབ་སྦྱོང་འདི་ སྤྱི་ལོ་ ༢༠༢༤ སྤྱི་ཟླ་ ༡ པའི་ནང་ལས་ འགོ་བཙུགས་ནི་ཨིནམ་ད་ མ་འོངས་པར་ ཕྱིའི་རྒྱལ་ཁབ་ཚུ་ལས་ཡང་ འབྲུག་ལུ་ དྲུང་འཚོའི་སློབ་སྦྱོང་འབད་བར་ འོང་ཐབས་ཚུ་ བསྒྲིག་ནི་གི་ ལས་འཆར་ཚུ་ཡོདཔ་ཨིན་པའི་གནས་ཚུལ།

Please follow and like us: