ཡུ་ཨེཛ་གིས་ མི་ཛ་ཡེལ་དང་ མཁའ་དམག་གནམ་གྲུ་ཆུང་བ་ཚུ་ ཕབ་བཏང་ཡོདཔ།

ཨེ་བི་སི།
རེཌ་སི་ནང་ཡོད་མི་ ཡུ་ཨེཛ་གི་ མཚོ་དམག་གྲུ་ཟིང་ ཀཱར་ནེ་ཟེར་མི་གིས་ ཨི་རཱན་གྱི་ རྒྱབ་སྐྱོར་ཐོག་ལས་ ཧའོ་ཐིཛ་ཟེར་མི་ སྡེ་ཚན་གྱིས་ ཨིཛ་རེལ་ལུ་ ཚ་གཏད་དེ་བཏང་མི་ མི་ཛ་ཡེལ་དང་ མགྱོགས་ཤུགས་ཅན་གྱི་ མཁའ་དམག་གནམ་གྲུ་ཆུང་བ་ཚུ་ ཕབ་བཏང་ནུག།
དེ་ཡང་ འཛམ་གླིང་ཤར་དབུས་ལུང་ཕྱོགས་ནང་ ཡུ་ཨེཛ་གི་ཁ་ཐུག་ལས་ ཁོང་གི་མཚོ་དམག་གྲུ་ཟིང་ལུ་ ཐད་ཀར་དུ་ ཚ་གཏད་མ་འབད་བའི་ མི་ཛ་ཡེལ་དང་ གནམ་གྲུ་ཆུང་བ་ཚུ་ བར་ན་སྐོར་མ་ལས་ ཕབ་བཏང་མི་དེ་ འགོ་དང་པ་ཨིནམ་མ་ཚད་ ཨིཛ་རེལ་སྲུང་སྐྱོབ་ཀྱི་དོན་ལུ་ བར་འཛུལ་འབད་མི་དེ་ཡང་ འགོ་དང་པ་ཨིན་པས།
ཡུ་ཨེཛ་འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ གྲུ་ཟིང་ཀཱར་ནེ་གིས་ མི་ཛ་ཡེལ་ ༤ དང་ མཁའ་དམག་གནམ་གྲུ་ཆུང་བ་ ༡༤ ཕབ་བཏང་ཡི་ཟེར་ཨིནམ་ད་ དེ་སྦེ་ ཁོང་གིས་ཕབ་བཏང་མི་ མི་ཛ་ཡེལ་དང་ གནམ་གྲུ་ཆུང་བ་ཚུ་ ཡེ་མེན་ལས་ བྱང་ཕྱོགས་ཁ་ཐུག་ལུ་ བཏང་ཡོདཔ་ལས་ ཚ་གཏད་ས་ ཏན་ཏན་མ་ཤེས་རུང་ ཨིཛ་རེལ་ཁ་ཐུག་ལུ་ འགྱོ་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: