འབྲུག་གཞུང་གིས་ དཀར་མེ་སྟོང་མཆོད་ཕུལ་ཐོག་ལས་ འཛམ་གླིང་སྤྱི་ཚོགས་ཀྱི་ ཉིནམ་བརྩི་སྲུང་།

སྤྱི་ཟླ་ ༡༠ པའི་ཚེས་ ༢༥ ལུ་ འབྲུག་གཞུང་གིས་ འཛམ་གླིང་སྤྱི་ཚོགས་ཀྱི་ཉིནམ་དེ་ སེམས་རྟོགས་ཁའི་རྫོང་ནང་ མར་མེ་སྟོང་མཆོད་དང་ སྨོན་ལམ་གྱི་སྒོ་ལས་ བརྩི་སྲུང་འབད་ནུག།

དེ་ཡང་ སྤྱི་ལོ་ ༡༩༤༥ ལུ་ འཛམ་གླིང་སྤྱི་ཚོགས་ཀྱི་ བཀའ་ཁྲིམས་ཆ་གནས་སྤེལ་བའི་ དུས་དྲན་ཨིནམ་ད་ ཉིནམ་དེ་ཁར་ རྒྱལ་སྤྱིའི་མི་སྡེ་ཚུ་ལུ་ འཛམ་གླིང་སྤྱི་ཚོགས་ཀྱི་ བཀའ་ཁྲིམས་ཀྱི་ དགོས་དོན་དང་ གཞི་རྩ་ཚུ་ལུ་ ངོས་ལེན་ཡང་བསྐྱར་འབད་ནི་གི་ གོ་སྐབས་ཅིག་ཨིན་པས།

དུས་སྟོན་དེ་ནང་ དངུལ་རྩིས་བློན་པོ་ རྣམ་རྒྱལ་ཚེ་རིང་གིས་ སྐུ་མགྲོན་གཙོ་བོ་སྦེ་ གྲལ་གཏོགས་མཛད་ཡོདཔ་ད་ དེ་བསྒང་ གཞུང་གི་དཔོན་ཁག་ཚུ་དང་ དོན་གཅོད་འཐུས་མི་ཚུ་ དེ་ལས་ འབྲུག་བཞུགས་འཛམ་གླིང་སྤྱི་ཚོགས་ཀྱི་ འགོ་དཔོན་ཚུ་གིས་ཡང་ གྲལ་གཏོགས་འབད་ནུག། འབྲུག་རྒྱལ་ཁབ་འདི་ སྤྱི་ལོ་ ༡༩༧༡ སྤྱི་ཟླ་ ༩ པའི་ཚེས་ ༢༡ ལུ་ འཛམ་གླིང་སྤྱི་ཚོགས་ཀྱི་ འཐུས་མི་སྦེ་ འཛུལ་ཞུགས་མཛད་ཡོད་པའི་གནས་ཚུལ།