མཱལ་དིབཛ་གི་ སྲིད་འཛིན་གསརཔ་གིས་ རྒྱ་གར་གྱི་ དམག་མི་ཚུ་ཕྱིར་གཏོན།

ཨེན་ཌི་ཊི་ཝི།
མཱལ་དིབཛ་གི་ སྲིད་འཛིན་གསརཔ་སྦེ་ བཙག་འཐུ་གྲུབ་མི་ མོ་ཧཱ་མཱད་ མུའི་ཟུ་གིས་ ཁོང་རའི་རྒྱལ་ཁབ་ཀྱི་ རང་དབང་ཧྲིལ་བུའི་དོན་ལས་ ཁོང་གི་མཚོ་གླིང་ནང་ཡོད་མི་ རྒྱ་གར་གྱི་ དམག་མི་ཚུ་ ཕྱིར་བཏོན་འབད་དགོཔ་སྦེ་ བཤད་ཡོདཔ་ཨིན་པས།
བཙག་འཐུའི་སྐབས་ལུ་ མུའི་ཟུ་གིས་ སྲིད་འཛིན་ཨི་བར་ཧིམ་ སོ་ལིལ་གྱིས་ ཞིབ་དཔྱད་ག་ནི་ཡང་མེད་པར་ རྒྱ་གར་གྱི་ དམག་མི་ཚུ་ བཙུགས་ཏེ་ མཱལ་དིབཛ་གི་ ལས་དོན་ཚུ་ནང་ རྒྱ་གར་གྱིས་ ལགཔ་རྐྱབ་བཅུག་ཐོག་ལས་ རྒྱལ་ཁབ་ཀྱི་ རང་དབང་རྒྱབ་ཁར་བསྐྱུར་ཡོདཔ་སྦེ་ཨིན་པས།
དེ་ཡང་ མཱལ་དིབཛ་ལུ་ ནིའུ་དིལླི་གིས་ མངོན་གསལ་འཕྲུལ་ཆས་དང་ གསང་ཞིབ་གནམ་གྲུ་ཚུ་བཙུགས་ཏེ་ རྒྱ་གར་གྱི་དམག་མི་ ༧༠ དེ་ཅིག་གིས་ མཱལ་དིབཛ་གི་ དཔལ་འབྱོར་ས་ཁོངས་ཚུ་ནང་ བལྟ་རྟོག་གི་ རྒྱབ་སྐྱོར་ཚུ་ བྱིན་ཏེ་ཡོདཔ་སྦེ་བཤད་ནུག།
ག་དེ་སྦེ་ཨིན་རུང་ མའི་ཟུ་གིས་ རྒྱ་གར་གཞུང་དང་ འགྲིགས་ཆ་བཟོ་ནི་གི་ ལཱ་འགོ་བཙུགས་ཏེ་ཡོདཔ་བཞིན་དུ་ ད་ཚུན་གྱི་བར་ན་ གསུང་གྲོས་ཚུ་ ལེགས་ཤོམ་སོང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: