ར་ཤི་ཡ་གིས་ ཉིནམ་གཅིག་གི་ནང་ གཞིས་ཆགས་ཀྱི་ ས་གོ་ཚུ་ནང་གནོད་འཚུབ།

བི་བི་སི།
སྤྱི་ཟླ་ ༡༡ པའི་ཚེས་ ༢ ལུ་ ར་ཤི་ཡ་གིས་ འདས་པའི་དུས་ཡུན་ ཆུ་ཚོད་ ༢༤ གི་ ནང་འཁོད་ལུ་ ཡུ་ཀེ་རེན་གྱི་ ཁྲོམ་ཚོགས་ ༡༡༨ ཀྱི་ནང་ རྫས་བམ་ཚུ་བཀོག་སྟེ་ གནོད་འཚུབ་བཀལཝ་ལས་ ཡུ་ཀེ་རེན་གྱི་ ནང་སྲིད་བློན་པོ་ ཨི་ཧོར་ཀི་ལི་མེན་ཀོ་གིས་ དུས་ཅི་ ཉིནམ་གཅིག་གི་ནང་ དེ་བཟུམ་མའི་ གནོདཔ་བཀལ་བཀལཝ་ རྩ་ལས་ར་མེད་ཟེར་ བཤད་ཡོདཔ་ཨིན་པས།
ཁོ་གིས་འབད་བ་ཅིན་ ཡུ་ཀེ་རེན་གྱི་ ལུང་ཕྱོགས་ ༢༧ ལས་ ལུང་ཕྱོགས་ ༡༠ གྱི་ནང་ གནོད་འཚུབ་བཀལ་ཏེ་ ཤི་རྐྱེན་དང་ རྨ་སྐྱོན་མང་རབས་ཅིག་ བྱུང་ནུག་ཟེར་ཨིནམ་ད་ དེ་ཡང་ རྫས་བམ་གྱིས་ གནོད་སྐྱོན་བྱུང་མི་ མི་སྡེ་མང་ཤོས་ཅིག་ རྒྱལ་ཁབ་ཀྱི་ ཤར་ཕྱོགས་དང་ ལྷོ་ཕྱོགས་ལུ་ རྒྱལ་ཁབ་ ༢ ཀྱི་ དམག་མི་ཚུ་ གདོང་ཐུག་རྐྱབ་སའི་ ཉེ་འདབས་ལུ་ཡོད་ཟེར་ཨིན་པས།
ཌོ་ནེཛ་ལུང་ཕྱོགས་ཀྱི་ ཤར་ཁ་ཐུག་ལུ་ ཐབས་བྱུས་ཅན་གྱི་ ཁྲོམ་ཨབ་ནིབ་ཀ་ཟེར་སར་ ར་ཤི་ཡའི་ དམག་མི་ཚུ་གིས་ བདུན་ཕྲག་ལས་བཅད་དེ་ གོ་མཚོན་ལག་ལེན་གྱི་ སྦྱོང་བརྡར་ཚུ་ འགོ་འདྲེན་འཐབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: