རྒྱ་གར་གྱི་ བློན་ཆེན་དང་ ཀ་ཏར་གྱི་ཨ་མིར་ ཤེག་ཏ་མིན་བིན་ཧ་མཱད་ ཨཱལ་ཐ་ནིའི་བར་ན་མཇལ་ཕྲད།

ཨེན་ཌི་ཊི་ཝི།
སྤྱི་ཟླ་ ༡༢ པའི་ཚེས་ ༢ ལུ་ དུ་བ་ཡེ་ལུ་འཚོགས་མི་ འཛམ་གླིང་སྤྱི་ཚོགས་ གནམ་གཤིས་གནས་སྟངས་ཀྱི་ འཐུས་མི་རྒྱལ་ཁབ་ཚུ་གི་ དབུ་ཁྲིད་ཞལ་འཛོམས་སྐབས་ལུ་ རྒྱ་གར་གྱི་བློན་ཆེན་ ན་རེན་ད་ར་ མོ་དི་དང་ ཀ་ཏར་གྱི་ཨ་མིར་ ཤེག་ཏ་མིན་བིན་ཧ་མཱད་ ཨཱལ་ཐ་ནི་དང་གཅིག་ཁར་ མཇལ་ཕྲད་མཛད་ཡོདཔ་ཨིན་པས།
དེ་བསྒང་ ཁོང་གཉིས་ཀྱི་བར་ན་ རྒྱལ་ཁབ་ ༢ ཀྱི་ མཉམ་འབྲེལ་དང་ ཀ་ཏར་ལུ་ཡོད་མི་ རྒྱ་གར་གྱི་ མི་སེར་ཚུ་གི་ ཕན་བདེའི་སྐོར་ལས་ གསུང་གྲོས་ཚུ་གནང་ནུག།
བློན་ཆེན་མོ་དི་གིས་ མི་སྡེ་བརྡ་བརྒྱུད་ནང་ བཀོད་དོ་བཟུམ་འབད་བ་ཅིན་ རྒྱལ་ཁབ་ ༢ ཀྱི་བར་ན་ མཉམ་འབྲེལ་གྱི་སྐོར་ལས་ གསུང་གྲོས་ཚུ་ ལེགས་ཤོམ་སོང་ཡི་ཟེར་ཨིན་པས།
འཛམ་གླིང་སྤྱི་ཚོགས་ གནམ་གཤིས་འགྱུར་བའི་ དབུ་ཁྲིད་ཞལ་འཛོམས་ཀྱི་ ལས་རིམ་ ༤ ནང་ལུ་ གསུང་བཤད་ཐེངས་ ༤ རེ་ གནང་དགོཔ་ཐོན་ཏེ་ དུས་ཚོད་མ་ཐོབ་རུང་ ཟུང་ཕྱོགས་ཞལ་འཛོམས་དག་པ་ཅིག་ར་ གནང་ཚུགས་ཅི་ཟེར་ བཀོད་འདུག་པའི་གནས་ཚུལ།

Please follow and like us: