ཨཱཛ་ཊེ་ལི་ཡ་གིས་ ཕྱི་མི་ནང་བསྐྱོད་ཀྱི་ སྒྲིག་གཞི་དམ་དྲགས་བཟོ་ནི།

ཨེན་ཌི་ཊི་ཝི།
ཨཱཛ་ཊེ་ལི་ཡ་གིས་ ཤུལ་མའི་ལོ་ངོ་ ༢ ཀྱི་ནང་ ཕྱི་མི་ནང་བསྐྱོད་འབད་མི་ བརྒྱ་ཆ་ ༥༠ མར་ཕབ་ཆག་འབད་ཐབས་ལུ་ རྒྱལ་སྤྱིའི་སློབ་ཕྲུག་དང་ ལག་རྩལ་མེད་མི་ཚུ་གི་དོན་ལས་ ནང་བསྐྱོད་ཆོག་ཐམ་གྱི་ སྒྲིགས་གཞི་ཚུ་ དམ་དྲགས་བཟོ་ནི་ཨིན་པས།
དེ་ཡང་ སྤྱི་ལོ་ ༢༠༢༢ དང་ ༢༠༢༣ ལུ་ ཕྱི་མི་ ༥༡༠,༠༠༠ དེ་ཅིག་ ཨཱཛ་ཊེ་ལི་ཡའི་ རྒྱལ་ཁབ་ནང་ ལྷོད་དེ་ཡོདཔ་ཨིན་པས།
སྲིད་བྱུས་གསརཔ་དང་འཁྲིལ་བ་ཅིན་ རྒྱལ་སྤྱིའི་སློབ་ཕྲུག་ཚུ་གི་དོན་ལས་ ཨིང་ལིཤ་ཁ་སྐད་ཀྱི་ སྐུགས་ཚད་མཐོ་སུ་བཟོ་ནི་ཨིན་པའི་གུ་ ཤེས་ཡོན་སྦྱང་ཚར་བའི་ཤུལ་ལུ་ ལཱ་འབད་དེ་ སྡོད་ཆོག་པའི་ དུས་ཡུན་དེ་ཡང་ ཐུང་ཀུ་བཟོ་ནི་ཨིན་པས།
སྲིད་བྱུས་གཞི་སྒྱུར་ལྟར་དུ་འབད་བ་ཅིན་ ཨཱཛ་ཊེ་ལི་ཡའི་ ཚོང་ལམ་ནང་ དགོས་མཁོ་ཡོད་པའི་ ལཱ་གཡོག་གི་དོན་ལས་ རིག་རྩལ་དང་ ལག་རྩལ་མཐོ་དྲགས་འབད་མི་ ལས་མི་ཚུ་ལུ་ ནང་བསྐྱོད་ཆོག་ཐམ་ སྤྲོད་ནི་གི་ དུས་ཡུན་དེ་ཡང་ བདུན་ཕྲག་ ༡ ལུ་ མར་ཕབ་འབད་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: