ཧང་ག་རི་གིས་ ཡུ་ཀེ་རེན་ལུ་ ཌོ་ལར་ཐེར་འབུམ་ ༥༤ གྲོགས་རམ་བྱིན་ནི་ལུ་བཀག་དམ།

ཨཱལ་ཇ་ཟི་ར།
ཡུ་རོབ་རྒྱལ་ཁབ་ཚོགས་པའི་ འཐུས་མི་ཚུ་གི་བར་ན་ ཡུ་ཀེ་རེན་དེ་ཡང་ འཐུས་མི་སྦེ་ བཙུགས་བཞག་འབད་ནི་ལུ་ ཁ་འཆམ་པའི་ཤུལ་ལས་ ཡུ་རོབ་རྒྱལ་ཁབ་ཚོགས་པ་གིས་ ཡུ་ཀེ་རེན་ལུ་ ཌོ་ལར་ཐེར་འབུམ་ ༥༤ གྲོགས་རམ་བྱིན་ནི་སྦེ་ཡོད་མི་དེ་ ཧང་ག་རི་རྒྱལ་ཁབ་ཀྱིས་ ཐག་རང་བཅད་ཐོག་ལས་ བཀག་དམ་འབད་ནུག།
དེ་ཡང་ ཡུ་རོབ་རྒྱལ་ཚོགས་པའི་ འགོ་ཁྲིདཔ་གཞན་ཚུ་གིས་འབད་བ་ཅིན་ གྲོགས་རམ་དེ་གི་སྐོར་ལས་ ལོག་སྟེ་ར་ སྤྱི་ལོ་ ༢༠༢༤ སྤྱི་ཟླ་ ༡ པའི་ནང་ གྲོས་བསྟུན་འབད་འོང་ཟེར་ཨིན་པས།
གནད་དོན་དེ་གི་སྐོར་ལས་ ནེ་དར་ལེན་གྱི་བློན་ཆེན་ མཱག་རུ་ཊེ་གིས་ ཁོང་གི་ཁ་ཐུག་ལས་ འཐུས་མི་རྒྱལ་ཁབ་གཞན་ ༢༦ དང་གཅིག་ཁར་ གྲོགས་རམ་བྱིན་ནི་སྦེ་ ཁ་འཆམ་བྱུང་ཡོད་རུང་ ཧང་ག་རི་གིས་ ངོས་ལེན་མ་གྲུབ་པར་ཡོད་ཟེར་བཀོད་ནུག།
ཡུ་ཀེ་རེན་གྱིས་ ར་ཤི་ཡ་དང་གཅིག་ཁར་ ཕྱད་མདའ་འཕྲོ་མཐུད་རྐྱབ་ནི་དང་ གནོད་སྐྱོན་ཚུ་ བསྐྱར་གསོ་འབད་ཐབས་ལུ་ གྲོགས་རམ་དེ་ གལ་ཆེཝ་ལས་ ཤུལ་མའི་ལོ་ནང་ འགྲིགས་ཆ་བཟོ་ཚུགས་པའི་ རེ་བ་ཡོད་ལུགས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: