ར་ཤི་ཡ་གིས་ ཡུ་ཀེ་རེན་ལུ་ མི་ཛ་ཡེལ་གྱི་ཐོག་ལས་ ཁྱབ་ཤུགས་ཆེ་བའི་གནོད་འཚུབ།

རོའི་ཊརཛ།
སྤྱི་ཟླ་ ༡༢ པའི་ཚེས་ ༢༩ ལུ་ ར་ཤི་ཡ་གིས་ ཡུ་ཀེ་རེན་ རྒྱལ་ཁབ་ནང་ མི་ཛ་ཡེལ་གྱི་ཐོག་ལས་ གནོད་འཚུབ་སྦོམ་སྦེ་ར་ བཀལ་ཡོདཔ་ལས་ ཞི་བའི་མི་སེར་ ༡༢ ལུ་ ཤི་རྐྱེན་དང་ གཞན་མི་ལེ་ཤ་ཅིག་ལུ་ རྨ་སྐྱོན་བྱུང་ནུག།
ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ གསུངས་དོ་བཟུམ་འབད་བ་ཅིན་ ར་ཤི་ཡ་གིས་ གོ་མཚོན་ཡོད་རིགས་ ལག་ལེན་འཐབ་སྟེ་ གནོད་འཚུབ་བཀལ་ཡི་ཟེར་ཨིནམ་ད་ དེ་བསྒང་ མི་ཛ་ཡེལ་ ༡༡༠ དེ་ཅིག་ བཏང་མི་ཚུ་གི་གྲས་ལས་ མང་ཤོས་ཅིག་ར་ ཕབ་བཏང་ཡི་ཟེར་ཨིན་པས།
མཁའ་དམག་བཀོད་ཁྱབ་ མི་ཀོ་ལ་ཨོ་ལེཛ་ཅུག་གིས་ སྤྱི་ལོ་ ༢༠༢༢ ལས་ ད་ཚུན་གྱི་བར་ན་ མཁའ་ཐོག་གི་ གནོད་འཚུབ་བཀལ་མི་དེ་ སྦོམ་ཤོས་ཅིག་ཨིནམ་སྦེ་བཤད་ནུག།
དེ་ལས་ དྲག་པོའི་དམག་སྤྱི་ ཝེ་ལ་རི་ཟ་ལུཤ་ནི་གིས་ཡང་ ད་རེས་ ར་ཤི་ཡ་གིས་ ཡུ་ཀེ་རེན་གྱི་ གནད་འགག་ཆེ་བའི་ གཞི་རྟེན་མཁོ་ཆས་དང་ བཟོ་གྲྭ་ཁང་ དེ་ལས་ དྲག་པོའི་མཐུན་རྐྱེན་ཚུ་ལུ་དམིགས་ཏེ་ གནོད་འཚུབ་བཀལ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: