ཨ་ལཱཛ་ཀ་ མཁའ་འགྲུལ་ལས་སྡེ་གིས་ གནམ་གྲུ་ ༧༣༧ མེགཛ་ ༩ ཟེར་མི་ཚུ་ འཕུར་འགྲུལ་འབད་ནི་མཚམས་འཇོག།

བི་བི་སི།
སྤྱི་ཟླ་ ༡ པའི་ཚེས་ ༥ ལུ་ མཁའ་འགྲུལཔ་ ༡༧༧ འབག་མི་ ཡུ་ཨེཛ་གི་ ཨ་ལཱཛ་ཀ་ མཁའ་འགྲུལ་ལས་སྡེའི་ གནམ་གྲུ་ཅིག་ གནམ་ཁར་འཕུར་སྡོད་པའི་བར་ན་ གནམ་གྲུའི་ཆ་ཤས་ཅིག་དང་ སྒོ་ཅུང་ཅིག་ སྦོག་ཡར་སོངཔ་ལས་ གློ་བུར་དུ་ ཡུ་ཨེཛ་གི་མངའ་སྡེ་ ཨོ་རེ་གཱོན་ལུ་ ཆགས་དགོཔ་བྱུང་ནུག།
དེ་ཡང་ གནམ་གྲུ་བོ་ཡིང་ ༧༣༧ མེགཛ་ ༩ གི་ གནམ་གྲུའི་ཆ་ཤས་དང་ སྒོ་ཅུང་དེ་ གནམ་ཁར་འཕུར་ཏེ་་ སྐར་མ་ ༣༥ གི་ཤུལ་ལས་ ཐོན་ཡར་སོངཔ་ལས་ ཨ་ལཱཛ་ཀ་ མཁའ་འགྲུལ་གྱིས་ ཁོང་ལུ་ དེ་བཟུམ་མའི་ གནམ་གྲུ་ ༦༥ ཡོད་མི་ཚུ་ག་ར་ འཕུར་འགྲུལ་མཚམས་འཇོག་འབད་དེ་ བཞག་ཡོདཔ་ཨིན་པས།
བོ་ཡིང་གནམ་གྲུ་ བཟོ་བསྐྲུན་འབད་མི་ལས་སྡེ་གིས་ གནད་དོན་དེ་གི་སྐོར་ལས་ ཁོང་གིས་ གོཝ་ཅིག་ར་ བརྡ་དོན་ཚུ་ བསྡུ་ལེན་འབད་དོ་ཟེར་ཨིནམ་ད་ དེ་བཟུམ་སྦེ་ ཡུ་ཀེ་ཞི་བའི་མཁའ་འགྲུལ་དབང་འཛིན་གྱིས་ཡང་ གནས་གྲུའི་གནས་སྟངས་ཚུ་ དམ་ཟབ་སྦེ་ར་ བལྟ་རྟོག་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: