ལྷོ་ཀོ་རི་ཡ་ རྒྱལ་ཁབ་ཀྱི་ གླིང་ཕྲན་ ༢ ཀྱི་ནང་ལས་ མི་སེར་ཚུ་སྤོ་བཤུད།

ཨེ་བི་སི།
སྤྱི་ཟླ་ ༡ པའི་ཚེས་ ༥ ལུ་ བྱང་ཀོ་རི་ཡ་གིས་ ལྷོ་ཀོ་རི་ཡ་དང་ བྱང་ཀོ་རི་ཡའི་ ས་མཚམས་སྦེ་བརྩི་མི་ རྒྱ་མཚོའི་ནང་ མགྱོགས་མཚོན་སྟོབས་ ལན་ཐེངས་ ༢༠༠ ལྷགཔ་ཅིག་ རྐྱབ་ཡོདཔ་ལས་ ལྷོ་ཀོ་རི་ཡའི་ གླིང་ཕྲན་ཡོན་པི་ཡོང་དང་ བེན་ཉི་ཡོང་ ༢ ཀྱི་ མི་སེར་ཚུ་ གནས་སྤོ་འགྱོ་དགོ་པའི་ བཀོད་རྒྱ་གནང་ནུག།
དེ་ཡང་ ལྷོ་ཀོ་རི་ཡ་གིས་འབད་བ་ཅིན་ སྤྱི་ལོ་ ༢༠༡༨ ལུ་ བཟོ་ཡོད་མི་ དྲག་པོའི་ཆིངས་ཡིག་ལུ་ ཆ་གནས་མ་བཞག་པར་ བྱང་ཀོ་རི་ཡ་གིས་ མགྱོགས་མཚོན་སྟོབས་ཚུ་ རྐྱབ་མས་ཟེར་ཨིན་པས།
དེ་གི་ཤུལ་ལས་ ལྷོ་ཀོ་རི་ཡ་གིས་ སྟོབས་རྐྱབ་ནི་གི་ སྦྱོང་བརྡར་ཚུ་ ལག་ལེན་འཐབ་ཡོདཔ་ལས་ ལྷོ་ཀོ་རི་ཡའི་ སྲུང་སྐྱོབ་ལྷན་ཁག་ལས་ ཉེན་བརྡ་འབད་མིའི་ནང་ གནས་སྟངས་དེ་ ཚབས་ཆེན་ལུ་ འགྱུར་བ་ཅིན་ བྱང་ཀོ་རི་ཡ་གིས་ར་ འགན་ཁག་འབག་དགོ་ཟེར་ཨིནམ་ད་ དེ་མིན་པ་ཅིན་ གོ་མཚོན་ལག་ལེན་འཐབ་ནི་དེ་ བཀག་ཆ་འབད་དགོ་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: