ཨིཛ་རེལ་དང་ ག་ཟའི་ཕྱད་མདའི་ནང་ ཉིནམ་ ༡ ལུ་ར་ ཨིཛ་རེལ་གྱི་ དམག་མི་ ༢༤ ལུ་ཤི་རྐྱེན།

བི་བི་སི།
སྤྱི་ཟླ་ ༡ པའི་ཚེས་ ༢༣ ལུ་ ཨིཛ་རེལ་ དམག་སྡེ་གིས་ བཤད་དོ་བཟུམ་འབད་བ་ཅིན་ ཨིཛ་རེལ་དང་ ག་ཟའི་ཕྱད་མདའ་ནང་ ཁོང་གི་དམག་མི་ ༢༤ ལུ་ ཤི་རྐྱེན་བྱུང་ཡི་ཟེར་ཨིན་པས།
དེ་ཡང་ ཨིཛ་རེལ་ དམག་མི་ཚུ་གིས་ སྒྲིང་ཁྱིམ་ ༢ མེདཔ་བཏང་ཐབས་ལུ་ རྫས་བམ་བཙུགས་ཏེ་ བཞག་ཡོད་མི་ཚུ་ གས་པའི་སྐབས་ལུ་ དམག་མི་ ༢༡ དམག་རྒྱབ་སྦེ་ བཞག་མི་ཚུ་དང་སྦྲགས་ཏེ་ དམག་མི་འགོ་དཔོན་ ༣ ལུ་ཡང་ ཤི་རྐྱེན་བྱུང་ནུག།
ཨིཛ་རེལ་གྱི་ སྲུང་སྐྱོབ་དམག་སྡེ་གིས་འབད་བ་ཅིན་ དྲག་ཐོག་དབང་བཙོང་འབད་མི་ དམག་སྡེ་ཅིག་གིས་ མི་ཛ་ཡེལ་ཐོག་ལས་ རྫས་བམ་ཚུ་བསྐྱུརཝ་ད་ རྫས་བམ་ ༡ སྒྲིང་ཁྱིམ་གུ་ཕོགཔ་ལས་ ཧེ་མ་ལས་ བཙུགས་བཞག་སྟེ་ཡོད་མི་ རྫས་བམ་ཚུ་ གས་སོང་པ་ལུ་བརྟེན་ཏེ་ སྒྲིང་ཁྱིམ་ ༢ རམ་སོངཔ་མ་ཚད་ པེ་ལིཛ་ཊིན་གྱི་ མི་སེར་ ༡༩༥ དེ་ཅིག་ལུ་ཡང་ ཤི་རྐྱེན་བྱུང་ཡི་ཟེར་ཨིན་པས།
གནད་དོན་དེ་གི་སྐོར་ལས་ ཨིཛ་རེལ་གྱི་བློན་ཆེན་ བེན་ཇ་མིན་ ནེ་ཏ་ནེ་ཡ་ཧུ་གིས་ ཁོང་ལུ་ སྡུག་སྦྱོང་ག་དེ་སྦེ་བྱུང་རུང་ རྒྱལ་ཁ་མ་ཐོབ་ཚུན་ཚོད་ ཕྱད་མདའ་འཕྲོ་མཐུད་དེ་ར་ རྐྱབ་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: