ཡུ་ཀེ་རེན་གྱིས་ བེ་ལེག་སཱི་ རྒྱ་མཚོའི་ནང་ ར་ཤི་ཡ་གིས་ མི་ཛ་ཡེལ་ ལག་ལེན་འཐབ་མི་ གྲུ་ཟིང་ལུ་གནོད་འཚུབ།

བི་བི་སི།
ཡུ་ཀེ་རེན་གྱི་ དམག་མི་ཚུ་གིས་ བཤད་དོ་བཟུམ་འབད་བ་ཅིན་ བེ་ལེག་སཱི་ཟེར་མི་ རྒྱ་མཚོའི་ནང་ ར་ཤི་ཡ་གིས་ མི་ཛ་ཡེལ་ ལག་ལེན་འཐབ་མི་ གྲུ་ཟིང་ཅིག་ མེདཔ་བཏང་ཡི་ཟེར་ཨིན་པས།
གྲུ་ཟིང་དེ་གི་མིང་ཡང་ ཨའི་བ་ནོ་བེཊ་ཟེར་མི་ དམག་གྲུ་ཆུང་བ་ཅིག་ཨིནམ་ད་ གྲུ་ཟིང་དེ་ ཡུ་ཀེ་རེན་གྱི་ དམིགས་བསལ་དམག་འཛིང་སྐབས་ལུ་ མེདཔ་བཏང་སྟེ་ རྒྱ་མཚོའི་ནང་ ཐིམས་ཡོདཔ་སྦེ་ཨིན་པས།
ཁོང་གིས་ བརྙན་ཐུང་ཅིག་ གསལ་སྟོན་འབད་མིའི་ནང་ གྲུ་ཟིང་དེ་གུ་ ཡུ་ཀེ་རེན་གྱི་ གོ་མཚོན་གྱིས་ ཕོག་སར་དང་ དེ་གི་ཤུལ་ལས་ གྲུ་ཟིང་དེ་ གས་ཡོདཔ་སྦེ་ མཐོང་ཚུགས་དོ་ཡོདཔ་སྦེ་བཀོད་ནུག།
ཨིན་རུང་ ར་ཤི་ཡའི་ ཁ་ཐུག་ལས་ ག་ནི་ཡང་ མ་སླབ་པར་ཡོདཔ་ད་ ཁོང་གི་དམག་མི་ བོ་ཡེན་ཀོར་ཀོ་ཊེ་ནོག་གིས་ མི་སྡེ་བརྡ་བརྒྱུད་ ཊེ་ལི་ག་རམ་ནང་ བཀོད་དོ་བཟུམ་འབད་བ་ཅིན་ གྲུང་ཐིང་དེ་གུ་ མཁའ་དམག་ཆུང་བ་ཌཱོན་གྱིས་ ལན་ཐེངས་ ༣ ཕོག་པའི་ཤུལ་ལས་ རྒྱ་མཚོའི་ནང་ ཐིམས་སོང་ཡི་ཟེར་ཨིན་པས།
ར་ཤི་ཡའི་ ཁ་ཐུག་ལས་ གྲུ་ཟིང་དེ་ ཉེན་སྐྱོབ་ཀྱི་དོན་ལས་ འཚོལ་ཞིབ་ཚུ་འབད་རུང་ འཚོལ་མ་ཐོབ་པར་ཡོདཔ་ད་ གྲུ་ཟིང་དེ་ལུ་ ཌོ་ལར་ས་ཡ་ ༦༠ ལས་ ༧༠ གི་བར་ན་ གནས་དོ་ཡོདཔ་སྦེ་བཀོད་ནུག།
ཡུ་ཀེ་རེན་གྱིས་ བེ་ལེག་སཱི་མཐའ་སྐོར་གྱི་ ཕྱད་མདའ་ཁག་དག་པ་ཅིག་གི་ནང་ར་ ར་ཤི་ཡའི་ དམག་གྲུ་ཚུ་ མེདཔ་བཏང་སྟེ་ ར་ཤི་ཡ་ལས་ རྒྱལ་ཁབ་ཐོབ་ཡོདཔ་ཨིན་པས།
དེ་ཡང་ ཡུ་ཀེ་རེན་གྱི་ དམག་མི་ཚུ་ལུ་ ཁོང་རའི་དམག་གྲུ་ཚུ་ སྡེ་ཚན་སྦེ་མེད་རུང་ སྤྱི་ཟླ་ ༡༢ པའི་ནང་ཡང་ ས་གནས་ཕིའུ་ཌོ་སི་ཡ་ལུ་ མཁའ་དམག་གནམ་གྲུ་ཚུ་ཆགས་མི་ གྲུ་ཟིང་སྦོམ་ཅིག་ མེདཔ་བཏང་ཡོད་མི་དེ་ལུ་ ར་ཤི་ཡ་གིས་ཡང་ ངོས་ལེན་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: