པ་ཀིཛ་ཏཱན་ལུ་ བཙག་འཐུའི་ཧེ་མར་ ཉེན་ཁ་ཅན་གྱི་ རྫས་བམ་ ༢ གས་ཡོདཔ།

བི་བི་སི།
པ་ཀིཛ་ཏཱན་གྱི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ པ་ཀིཛ་ཏཱན་གྱི་ བ་ལོ་ཅིཛ་ཏཱན་མངའ་སྡེའི་ནང་ སྤྱིར་བཏང་བཙག་འཐུའི་ཧེ་མར་ རྫས་བམ་ ༢ གས་མི་ལུ་བརྟེན་ཏེ་ མི་གྲངས་ ༢༢ དེ་ཅིག་ལུ་ ཤི་རྐྱེན་བྱུང་ཡི་ཟེར་ཨིན་པས།
དེ་ཡང་ པི་ཤིན་མངའ་ཁོངས་ལུ་ཡོད་མི་ རང་དབང་སྲིད་ཚོགས་ཀྱི་ འདེམས་ངོ་ཅིག་གི་ ཡིག་ཚང་གི་གདོང་ཁར་ རྫས་བམ་དང་པ་ གས་པའི་སྐབས་ལུ་ མི་གྲངས་ ༡༤ ལུ་ ཤི་རྐྱེན་བྱུང་ཡོདཔ་ད་ རྫས་བམ་ ༢ པ་དེ་ པི་ཤིན་ལས་ ཀི་ལོ་མི་ཊར་ ༡༥༠ དེ་ཅིག་གི་ས་ཁར་ ཀི་ལ་ས་ཡིཕ་ཨུ་ལ་ཟེར་མི་ མངའ་ཁོངས་ནང་ གས་ཡོདཔ་ལས་ མི་གྲངས་ ༨ ལུ་ ཤི་རྐྱེན་བྱུང་ནུག།
ག་དེ་སྦེ་ཨིན་རུང་ རྫས་བམ་དེ་གི་སྐོར་ལས་ སྡེ་ཚན་ག་གིས་ཡང་ ངོས་ལེན་མ་བཏུབ་པར་ཡོདཔ་ད་ པ་ཀིཛ་ཏཱན་དང་ ཨཱཕ་གྷ་ནིཛ་ཏཱན་གྱི་ ས་མཚམས་ཁར་ཡོད་མི་ པི་ཤིན་མངའ་ཁོངས་ཀྱི་ རྐྱེན་ངན་དེ་ནང་ མི་གྲངས་ ༢༥ དེ་ཅིག་ལུ་ཡང་ རྨ་སྐྱོན་ཚུ་ བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: