ཡུ་ཀེའི་རྒྱལཔོ་ ཅཱལཛ་མཆོག་དང་ རྒྱལ་སྲས་ཝི་ལི་ཡམ་གྱི་ བཙུནམོ་མཆོག་ལུ་ ནད་གཞི་ཀེན་སར།

རོའི་ཊརཛ།
ཡུ་ཀེའི་རྒྱལཔོ་ མི་དབང་ཅཱལཛ་མཆོག་དང་ རྒྱལ་སྲས་ཝི་ལི་ཡམ་གྱི་ བཙུནམོ་ཀཱེཊ་མཆོག་ལུ་ ནད་གཞི་ཀེན་སར་ཡོདཔ་ལས་ མི་སེར་ཡོངས་ཀྱིས་ སེམས་ཤུགས་ཀྱི་ བརྡ་འཕྲིན་ཚུ་ ཕུལ་ཡོད་མི་ལུ་ རྒྱལ་སྲས་ཝི་ལི་ཡམ་གྱིས་ བཀའ་དྲིན་དགའ་ཚོར་ཡོད་ལུགས་ཚུ་ གསུངས་གནང་ཡོདཔ་ཨིན་པས།
དེ་ཡང་ རྒྱལཔོ་ཅཱལཛ་མཆོག་ལུ་ སྨན་བཅོས་ཕུལ་བའི་ཤུལ་ལས་ རྒྱལ་པོའི་ཕྱག་ལཱ་གནང་ནི་ ལོག་སྟེ་ར་ འགོ་བཙུགས་ཡོདཔ་ད་ ཝི་ལི་ཡམ་གྱི་ བཙུནམོ་ཀཱེཊ་མཆོག་ལུ་ འཕྲལ་ཁམས་ཅིག་ཁར་ གཤག་བཅོས་ཕུལ་ནུག།
སྤྱི་ཟླ་ ༢ པའི་ཚེས་ ༧ ལུ་ རྒྱལ་སྲས་ཝི་ལི་ཡམ་གྱིས་ འཕྲལ་ཁམས་ཀྱི་ དུས་སྐབས་ཚུ་ནང་ ཁོ་གི་ཡབ་དང་ བཙུནམོ་ ༢ ལུ་ རྒྱབ་སྐྱོར་གྱི་ བརྡ་འཕྲིན་ཚུ་ ཕུལ་མི་ལུ་ བཀྲིན་དགའ་ཚོར་ཡོད་ལུགས་ གསུངས་པའི་ཁར་ འདས་པའི་བདུན་ཕྲག་ཚུ་ནང་ སྨན་བཅོས་ཉག་གཅིག་ལུ་ གཙོ་བོར་བཏོན་ཡོདཔ་སྦེ་ཡང་ གསུངས་ཡོདཔ་ཨིན་པས།
དེ་བསྒང་ ཁོ་རའི་སྐུ་མཆེད་ རྒྱལ་སྲས་ཧེ་རི་དེ་ཡང་ ཡབ་རྒྱལཔོ་མཇལ་བར་ ཡུ་ཨེཛ་ལས་ བྱོན་ཡོདཔ་ད་ རྒྱལཔོ་ཅཱལཛ་མཆོག་ སྨན་བཅོས་མཛད་པའི་རིང་ལུ་ རྒྱལ་པོའི་ཕྱག་འགན་ཚུ་ སྐུ་འཁོར་གཞན་ཚུ་ལུ་ འཁྲི་བའི་ནང་ལས་ དམིགས་བསལ་གྱིས་ རྒྱལ་སྲས་ཝི་ལི་ཡམ་དང་ རྒྱལ་བཙུན་ཀེ་མི་ལ་ལུ་འཁྲི་ནུག།
རྒྱལ་འཛིན་རྩོམ་སྒྲིག་པ་ རོ་བཱཊ་ཧཱཌ་མེན་གྱིས་ ཧེ་མ་ རྒྱལམོ་ཨེ་ལི་ཟ་བེཐ་མཆོག་ལུ་ བསྒུལ་བསྐྱོད་ཀྱི་ དཀའ་ངལ་ཐོན་པའི་ དུས་ལས་ཚུར་ར་ རྒྱལ་སྲས་ཝི་ལི་ཡམ་གྱིས་ རྒྱལ་པོའི་འགན་ཁུར་ཚུ་ རྒྱ་ཆེ་ཏོག་ཏོ་སྦེ་ར་བསྣམས་ནི་ འགོ་བཙུགས་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: