ཡུ་ཀེ་རེན་གྱི་ དམག་མི་ཚུ་གིས་ གནོད་འཚུབ་ཐོག་ལས་ ར་ཤི་ཡའི་ མཚོ་དམག་གྲུ་ཟིང་ཅིག་ རྒྱ་མཚོའི་ནང་ཐིམས་ཡོདཔ།

བི་བི་སི།
སྤྱི་ཟླ་ ༢ པའི་ཚེས་ ༡༤ ལུ་ ཡུ་ཀེརེ་ན་གྱི་ དམག་མི་ཚུ་གིས་ བཤད་དོ་བཟུམ་འབད་བ་ཅིན་ ར་ཤི་ཡའི་ མཚོ་དམག་གྲུ་ཟིང་ སཱི་ཛར་ཀུ་ནི་ཀོབ་ཟེར་མི་དེ་ ར་ཤི་ཡ་གིས་ བཙན་འཛུལ་འབད་དེ་ཡོད་མི་ ཀིར་མི་ཡ་ཟེར་སའི་ མཐའ་མར་ཡོད་མི་ རྒྱ་མཚོའི་ནང་ ཐིམས་སོང་ཡི་ཟེར་ཨིན་པས།
དེ་ཡང་ ཡུ་ཀེ་རེན་གྱི་ དམག་མི་ཚུ་གིས་ མཁའ་དབྱིངས་ལས་ གནོད་འཚུབ་བཀལ་ཏེ་ ཁྲོམ་ཡཱལ་ཏ་ཟེར་སའི་ ལྷོ་ཕྱོགས་ལུ་ རྒྱ་མཚོའི་ནང་ཡོད་མི་ ར་ཤི་ཡའི་ མཁའ་དམག་གནམ་གྲུ་ཆགས་སའི་ གྲུ་ཟིང་སྦོམ་ཅིག་ རྒྱ་མཚོའི་ནང་ཐིམས་ཡོདཔ་ད་ ད་རེས་སྐབས་ཅིག་ཁར་ ཡུ་ཀེ་རེན་གྱི་ དམག་མི་ཚུ་གིས་ ར་ཤི་ཡ་གིས་ བཙན་འཛུལ་འབད་དེ་ཡོད་མི་ ཀིར་མི་ཡའི་ མཐའ་མར་ཡོད་མི་ བེ་ལེག་སཱི་ རྒྱ་མཚོའི་ནང་ ར་ཤི་ཡའི་ གྲུ་ཟིང་ཚུ་གུ་ གནོད་འཚུབ་ཡང་བསྐྱར་བཀལ་ནུག།
ཡུ་ཀེ་རེན་གྱི་ གསང་ཞིབ་ལས་ཁུངས་ཀྱིས་ བརྙན་ཐུང་དང་སྦྲགས་ཏེ་ བཤད་མིའི་ནང་ གྲུ་ཟིང་དེ་གུ་ གནམ་གྲུ་ཆུང་བ་ཌཱོན་ཝི་ ༥ ཟེར་མི་ཚུ་ བཀོག་ཡོདཔ་མ་ཚད་ སེ་ལི་ཌོབ་ཁྲོམ་ནང་ ར་ཤི་ཡ་གིས་ མི་ཛ་ཡེལ་ཚུ་གི་ཐོག་ལས་ གནོད་འཚུབ་བཀལ་ཏེ་ མི་ངོམ་ ༣ དམར་བསད་འབད་ཡོད་པའི་ཤུལ་ལུ་ དམག་སྤྱི་གསརཔ་ ཨེ་ལེག་སཱན་ཌར་སིར་ཀི་གིས་ གནོད་འཚུབ་བཀལ་སར་ བལྟ་བསྐོར་འབད་ཡོདཔ་ཨིན་པས།
ཨིན་རུང་ གནོད་འཚུབ་དེ་ཚུ་གི་སྐོར་ལས་ ར་ཤི་ཡའི་ མཚོ་དམག་སྡེ་ཚན་གྱི་ ཁ་ཐུག་ལས་ ག་ནི་ཡང་ མ་སླབ་པར་ཡོདཔ་ད་ ར་ཤི་ཡ་གིས་ གནམ་གྲུ་ཆགས་སའི་ གྲུ་ཟིང་ཚུ་ བྱང་ཕྱད་ཀྱི་ ས་ཆའི་ནང་ དམག་མི་ཚུ་ བསྐྱལ་ནིའི་དོན་ལས་དང་ སི་རི་ཡ་ལུ་ དམག་གི་མཁོ་ཆས་ཚུ་ སྐྱེལ་འདྲེན་འབད་ནི་ལུ་ ལག་ལེན་འཐབ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: