སྤུངས་ཐང་བདེ་ཆེན་ཕོ་བྲང་ནང་ ལོ་བསྟར་གནང་སྲོལ་ཡོད་པའི་ མགོན་དབང་སྒྲུབ་ཆེན།

གནམ་ལོ་ཤིང་འབྲུག་ཟླཝ་ ༡༢ པའི་ཚེས་ ༢༢ སྤྱི་ཟླ་ ༢ པའི་ཚེས་ ༢ ལས་ འགོ་བཙུགས་ཏེ་ ཉིན་གྲངས་ ༡༢ ཀྱི་རིང་ལུ་ ཡོན་ཏན་སློབ་དཔོན་མཆོག་ དབུ་བཞུགས་ཐོག་ལས་ དགེ་སློང་ཞལ་གྲངས་ ༣༥༠ ལྷགཔ་ཅིག་གིས་ སྤུངས་ཐང་བདེ་ཆེན་ཕོ་བྲང་ནང་ ལོ་བསྟར་གནང་སྲོལ་ཡོད་པའི་ མགོན་དབང་སྒྲུབ་ཆེན་གནང་ནུག།
དེ་ཡང་ མགོན་དབང་སྒྲུབ་ཆེན་འདི་ རང་ཟླ་ ༡ པའི་ཚེས་ ༤ ལུ་ གྲོལ་གནང་ཡོདཔ་ད་ རང་ཟླ་ ༡ པའི་ཚེས་ ༥ ལས་ ༨ ཚུན་ སྒྲོམ་མཆོད་ཀྱི་ གར་འཆམ་ཚུ་ མི་དམངས་ལུ་ མཇལ་ཁ་གནང་སྟེ་ རང་ཟླ་ ༡ པའི་ཚེས་ ༩ ལུ་ གསེར་སྦྲེང་དང་བཅས་པའི་སྒོ་ལས་ སྤུ་ན་མོ་ཆུའི་ནང་ ནོར་བུ་བཤགས་ནི་དང་ དེ་ལས་ རང་ཟླ་ ༡ པའི་ཚེས་ ༡༠ སྤྱི་ཟླ་ ༢ པའི་ཚེས་ ༡༩ ལས་ ཉིན་གྲངས་ ༣ གྱི་རིང་ལུ་ ཚེས་བཅུའི་གར་འཆམ་ཚུ་ མི་དམངས་ལུ་ མཇལ་ཁ་གནང་ནི་ཨིན་པའི་ གནས་ཚུལ་མདོར་བསྡུས།

Please follow and like us: