སྤ་རོ་རྫོང་ཁག་གི་ ལོ་བསྟར་འཛམ་གླིང་ཞི་བདེའི་ སྨོན་ལམ་ཆེན་མོ།

གནམ་ལོ་ཤིང་འབྲུག་ཟླཝ་ ༡ པའི་ཚེས་ ༨ སྤྱི་ཟླ་ ༢ པའི་ཚེས་ ༡༧ ལུ་ སྤ་རོ་རྫོང་ཁག་གི་ ལོ་བསྟར་འཛམ་གླིང་ཞི་བདེའི་ སྨོན་ལམ་ཆེན་མོ་ ཐེངས་ ༩ པ་དེ་ གྲོལ་གནང་ནུག།
དེ་ཡང་ རང་ཟླ་ ༡ པའི་ཚེས་ ༤ སྤྱི་ཟླ་ ༢ པའི་ཚེས་ ༡༣ ལས་ གཞུང་གྲྭ་ཚང་གི་ ལས་ཚོགས་སློབ་དཔོན་མཆོག་ དབུ་བཞུགས་ཐོག་ལུ་ སྤ་རོ་རབ་སྡེའི་ བླ་སློབ་དང་ དགེ་སློང་ཚུ་གིས་གཙོས་པའི་ མགོན་སྡེ་ཁག་གི་ དགེ་སློང་དང་ སྒོམ་ཆེན་ ཨ་ཎེམ་ཚུ་གིས་ ཉིན་གྲངས་ ༥ གི་རིང་ལུ་ གནང་ཡོདཔ་ད་ དེ་བསྒང་ མི་སེར་ཚུ་ཡང་ སྟོང་ཕྲག་ལས་བཅད་དེ་ སྤུངས་འཛོམས་འབད་ཡོདཔ་ཨིན་པས།
དེ་ལས་ རང་ཟླ་ ༡ པའི་ཚེས་ ༩ སྤྱི་ཟླ་ ༢ པའི་ཚེས་ ༡༨ ལས་ འགོ་བཙུགས་ཏེ་ ཉིན་གྲངས་ ༣ གྱི་རིང་ལུ་ སྤ་རོ་རབ་སྡེའི་ བླམ་གནས་བརྟན་མཆོག་ དབུ་བཞུགས་ཐོག་ལས་ བཛྲ་གུ་རུ་དུང་སྒྲུབ་ བསག་གནང་ནི་ཨིན་པའི་ གནས་ཚུལ་མདོར་བསྡུས།

Please follow and like us: