ཨིན་ཌོ་ནེ་ཤི་ཡའི་ མཚོ་འགྲམ་ལུ་ གྲུ་ཆུང་ཅིག་ མགོ་མཇུག་ལོག་སྟེ་ ཡར་སོངཔ་ལས་ མི་གྲངས་ ༥༠ དེ་ཅིག་ལུ་ཤི་རྐྱེན།

ཨཱལ་ཇ་ཟི་ར།
སྤྱི་ཟླ་ ༣ པའི་ཚེས་ ༢༠ ལུ་ ཨིན་ཌོ་ནེ་ཤི་ཡའི་ ཨེ་སཱི་མངའ་སྡེའི་ མཚོ་འགྲམ་ལུ་ མི་གྲངས་ ༡༥༠ དེ་ཅིག་འབག་མི་ ཤིང་གི་གྲུ་ཆུང་ཅིག་ མགོ་མཇུག་ལོག་སྟེ་ ཡར་སོངཔ་ལས་ མི་གྲངས་ ༥༠ དེ་ཅིག་ལུ་ ཤི་རྐྱེན་བྱུང་ནུག།
དེ་ཡང་ ཀུ་ལ་བུ་བཱོན་གྱི་ མཚོ་མཐའི་བྱེ་ཐང་ལས་ ཨེ་སཱི་ནུབ་ཕྱོགས་ཀྱི་ མཚོ་འགྲམ་ཁ་ཐུག་ལུ་ ཀོ་ལོ་མི་ཊར་ ༡༩ དེ་ཅིག་ འགྲུལ་བསྐྱོད་འབད་བའི་བར་ན་ མཚོ་རླབས་རྩུབ་དྲགས་ལུ་བརྟེན་ཏེ་ ཤིང་གི་གྲུ་ཆུང་དེ་ མགོ་མཇུག་ལོག་སྟེ་ ཡར་སོངཔ་ཨིན་པས།
ཐུག་རྐྱེན་དེ་ནང་ ཨམ་སྲུ་ ༤ དང་ ཕོ་སྐྱེས་ ༢ འབདཝ་ད་ མི་གྲངས་ ༦ ཨེ་སཱིའི་ཉ་བཟུང་མི་ཚུ་གིས་ སྲོག་སྐྱབས་འབད་དེ་ བློ་སླབ་ཚུགས་པའི་ སྐྱབས་གནས་སྡོད་ཁྱིམ་ཅིག་ནང་ བསྐྱལ་ཡོདཔ་སྦེ་ འཛམ་གླིང་སྤྱི་ཚོགས་ སྐྱབས་བཅོལཔ་ལས་སྡེའི་ ངོ་ཚབ་ཅིག་གིས་བཤད་ནུག།
ག་དེ་སྦེ་ར་ཨིན་རུང་ རྐྱེན་ངན་དེ་ནང་ མཚོ་རླབས་ཀྱིས་ ཆུ་ནང་ཐིམ་སྟེ་ ཤི་རྐྱེན་བྱུང་མི་ མང་ཤོས་ཅིག་ རྩལ་རྐྱབ་མ་ཤེས་མི་ ཨམ་སྲུ་དང་ ཨ་ལོ་ཚུ་ཨིན་པའི་ དོགས་པ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: