ར་ཤི་ཡ་ལུ་ ཀྲོབ་མདའ་འབག་མི་ཚུ་གིས་ སྤྲོ་སྟོན་ཁང་ཅིག་ནང་ མི་གྲངས་ ༡༡༥ དམར་བསད།

རོའི་ཊརཛ།
སྤྱི་ཟླ་ ༣ པའི་ཚེས་ ༢༣ ལུ་ ར་ཤི་ཡའི་རྒྱལ་ས་ མོཛ་ཀོའི་ཉེ་འདབས་ལུ་ཡོད་མི་ སྤྲོ་སྟོན་ཁང་ཅིག་ནང་ ཀྲོབ་མདའ་འབག་མི་ཚུ་གིས་ མི་གྲངས་ ༡༡༥ དེ་ཅིག་ ཀྲོབ་མདའ་རྐྱབ་སྟེ་ དམར་བསད་འབད་ཡོདཔ་ལས་ དོགས་པ་ཅན་ ༡༡ འཛིན་བཟུང་འབད་ནུག།
དེ་ཡང་ ར་ཤི་ཡ་ལུ་ ལོ་ངོ་ ༢༠ གི་ཤུལ་ལས་ དེ་བཟུམ་མའི་ དམར་བསད་འབད་མི་དེ་ འགོ་དང་པ་ཨིནམ་ད་ ཀྲོབ་མདའ་འབག་མི་ཚུ་ ཨིཛ་ལ་མིཛ་སྡེ་ཚན་གྱི་ དྲག་པོའི་སྡེ་ཚན་ལས་ཨིན་པའི་ ཁས་ལེན་འབད་ཡོདཔ་ཨིན་པས།
ཨིན་རུང་ ར་ཤི་ཡའི་ ཁ་ཐུག་ལས་ ཀྲོབ་མདའ་འབག་མི་ཚུ་ ཡུ་ཀེ་རེན་དང་ འབྲེལ་བ་ཡོད་པའི་ དོགས་པ་ཡདོཔ་ལས་ ཞིབ་དཔྱད་ཚུ་འབད་དོ་ཡོདཔ་ད་ ཡུ་ཀེ་རེན་གྱི་ཧོངས་ལས་ གནོད་འཚུབ་དེ་ནང་ འབྲེལ་བ་རྩ་ལས་ར་ མེདཔ་སྦེ་བཤད་ནུག།
སྤྲོ་སྟོན་ཁང་ནང་ ལྟདམོ་བལྟ་མི་ཚུ་གུ་ ཀྲོབ་མདའ་འབག་མི་ཚུ་གིས་ རང་སྒུལ་ཅན་གྱི་ ཀྲོབ་མདའ་ཚུ་ རྐྱབ་པའི་སྐབས་ལུ་ ལ་ལོ་ཅིག་ ཀྲོབ་མདའ་གིས་ཕོག་སྟེ་ ཤི་རྐྱེན་བྱུང་ཡོདཔ་ད་ ལ་ལོ་ཅིག་ གནོད་འཚུབ་བཀལ་མི་ཚུ་གིས་ ས་སྣུམ་པེ་ཊཱོལ་བླུགས་ཏེ་ མེ་སྤརཝ་ད་ སྤྲོ་སྟོན་ས་གོའི་ནང་ མེ་གིས་འཚིགས་ནུག་ཟེར་ བཀོད་འདུག་པའི་གནས་ཚུལ།

Please follow and like us: