ཡུ་གེན་ཌའི་ སྲིད་འཛིན་གྱིས་ ཁོ་རའི་བུ་དེ་ དམག་སྡེའི་གཙོ་འཛིན་ལུ་བསྐོ་བཞག།

བི་བི་སི།
དགུང་ལོ་ ༧༩ འབད་མི་ ཡུ་གེན་ཌའི་སྲིད་འཛིན་ ཡོ་ཝེ་རི་ མུ་སེ་ཝེ་ནི་གིས་ ཁོ་རའི་བུ་ དམག་སྤྱི་མུ་ཧུ་ཟི་ ཀེ་ན་རུ་ག་བཱ་དེ་ གོ་གནས་ཡར་སེང་ཐོག་ལུ་ དམག་སྡེའི་གཙོ་འཛིན་སྦེ་ བསྐོ་བཞག་འབད་ཡོདཔ་ཨིན་པས།
དེ་ཡང་ བློན་པོ་ ༥ བཏོན་བཏང་པའི་ཤུལ་ལས་ ལྷན་རྒྱས་གཞུང་ཚོགས་ཀྱི་ བློན་པོ་ཚུ་ བསྐྱར་བཀོད་འབད་བའི་སྐབས་ལུ་ སྐྱེས་ལོ་ ༤༨ འབད་མི་ ཁོ་རའི་བུ་ མུ་ཧུ་ཟི་ ཀེ་ན་རུ་ག་བཱ་དེ་ བསྐོ་བཞག་འབད་ནུག།
སྤྱི་ལོ་ ༡༩༨༦ ལས་ དབང་ཚད་གུ་ཡོད་མི་ སྲིད་འཛིན་མུ་སེ་ཝེ་ནི་གིས་ ཁོ་ར་ལུ་ ཁེ་དབང་ཡོདཔ་སྦེ་ བཤད་མི་ལུ་ ངོས་ལེན་མེད་རུང་ བུ་ཕུད་རྡོག་ ༡ ཨིན་མི་དེ་ ཤུལ་འཛིན་པ་སྦེ་ གྲ་སྒྲིག་རྐྱབ་ནུག་ཟེར་ཨིན་པས།
དམག་སྤྱི་ཀེ་ན་རུ་ག་བཱ་དེ་ རྩོད་རྙོག་ཅན་དང་ དམག་སྡེའི་ལམ་ལུགས་ལས་ འགལ་མི་ཅིག་ཨིན་རུང་ སྲིད་དོན་ནང་ ཡར་སེང་ཅན་སྦེ་ར་ བཅའ་མར་གཏོགས་ཐོག་ལུ་ དམག་སྡེའི་གཙོ་འཛིན་གྱི་ གོ་གནས་ཐོབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: