སྐྱབས་རྗེ་རིན་པོ་ཆེ་མཆོག་གིས་ ལྷུན་རྩེ་ཨའུ་མཚོ་ལུ་ བླ་མ་དགོངས་པ་འདུས་པའི་ དབང་ལུང་ཁྲིད་ ༣ འཕྲོ་མཐུད།

ད་རིས་ རང་ཟླ་ ༢ པའི་ཚེས་ ༢༡ སྤྱི་ཟླ་ ༣ པའི་ཚེས་ ༣༡ ལས་ སྐྱབས་རྗེ་རིན་པོ་ཆེ་མཆོག་གིས་ ཨའུ་མཚོ་སློབ་གྲྭ་ལྟེ་བའི་ རྩེད་ཐང་ནང་ གཏེར་སྟོན་སངས་རྒྱས་གླིང་པའི་གཏེར་ཆོས་ བླ་མ་དགོངས་པ་འདུས་པའི་ དབང་ལུང་ཁྲིད་ ༣ འཕྲོ་མཐུད་དེ་ གནངམ་ཨིན་པས།
དེ་ཡང་ བདུན་ཕྲག་ ༡ གི་རིང་ལུ་ བར་མཚམས་བཞག་གནང་ཡོདཔ་ད་ དེ་བསྒང་ རྒྱལ་སྲས་མཆོག་སྤྲུལ་རིན་པོ་ཆེ་མཆོག་ དབུ་བཞུགས་ཐོག་ལས་ བླ་སློབ་དང་ དགེ་སློང་ཚུ་གིས་གཙོས་པའི་ དད་ལྡན་མི་སེར་ཕོ་མོ་ ཁྲི་ཕྲག་ལྷགཔ་ཅིག་གིས་ ཚོགས་ཁང་དེ་ནང་ར་ ལྷུན་རྩེ་རྫོང་ཁག་གི་ ལོ་བསྟར་འཛམ་གླིང་ཞི་བདེའི་ སྨོན་ལམ་ཆེན་མོ་ ཐེངས་ ༡༣ པ་གནང་ནུག།
བླ་མ་དགོངས་པ་འདུས་པའི་ དབང་ལུང་ཁྲིད་ ༣ དེ་ དཔལ་ལྡན་འབྲུག་པའི་ ཆོས་སྐྱོང་སྲུང་མ་ མགོན་པོ་ལྕམ་དྲལ་ ༣ ལུ་ གཏང་རག་གི་ ཚོགས་འཁོར་དང་བཅས་པའི་སྒོ་ལས་ བདུན་ཕྲག་ཤུལ་མའི་ནང་ འགྲོལ་གནང་ནི་གི་ ལས་རིམ་ཡོད་ཟེར་ ལྷུན་རྩེ་རབ་སྡེ་གྲྭ་ཚང་གི་ བླམ་གནས་བརྟན་མཆོག་གིས་ གསུངསམ་ཨིན་པའི་གནས་ཚུལ།

Please follow and like us: