ཡུ་ཨེཛ་གི་མངའ་སྡེ་ ཕོ་ལོ་རི་ཌ་ལུ་ བཟོ་བསྐྲུན་གྱི་ ལཱ་འབད་མི་ཅིག་ལུ་ཤི་རྐྱེན།

བི་བི་སི།
སྤྱི་ཟླ་ ༤ པའི་ཚེས་ ༤ ལུ་ ཡུ་ཨེཛ་ཕོ་ལོ་རི་ཌ་ མངའ་སྡེའི་ཁྲོམ་སྡེ་ ལའུ་ཌར་ཌ་ལེ་ཟེར་སར་ སྒྲིང་ཁྱིམ་ཅིག་གི་གུ་ལས་ འཕྲུལ་འཁོར་སྐེ་རིང་གི་ ཆ་ཤས་ཅིག་ ས་ཁར་བུད་བའི་ རྐྱེན་ངན་ནང་ མི་ ༡ ལུ་ ཤི་རྐྱེན་དང་ གཞན་མི་ ༣ ལུ་ རྨ་སྐྱོན་བྱུང་ནུག།
དེ་ཡང་ རྩལ་གཡོག་སྡེ་ཚན་གྱིས་ འཕྲུལ་འཁོར་སྐེ་རིང་དེ་གི་ མཐོ་ཚད་ཡར་སེང་འབད་བའི་སྐབས་ལུ་ ཆ་ཤས་ཅིག་ལུ་ ལྷོད་ཞུགས་ཏེ་ ས་ཁར་བུད་ནུག་ཟེར་ དབང་འཛིན་འགོ་དཔོན་ཚུ་གིས་ བཤད་ཡོདཔ་ཨིན་པས།
དེ་བསྒང་ ཟམ་གུ་ལས་ཕར་ འགྲུལ་བསྐྱོད་འབད་མི་ སྣུམ་འཁོར་ཀར་ཅིག་གི་ གདོང་ཕྱོགས་ལུ་ཕོག་སྟེ་ ཆག་དཀྲུམ་འབད་ཡོདཔ་ད་ ཤི་རྐྱེན་བྱུང་མི་དེ་ཡང་ སྐེ་རིང་གི་ཆ་ཤས་དང་སྦྲགས་ཏེ་ ས་ཁར་བུད་མི་ བཟོ་བསྐྲུན་གྱི་ ལས་གཡོགཔ་ཅིག་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: