རྒྱལ་ཡོངས་བཟོ་བཀོད་དང་ རིག་རྩལ་འགྲན་བསྡུར་ ཐེངས་ ༢༢ པའི་ནང་ གྲལ་གཏོགས་འབད་མི་ཚུ་གི་གྲས་ལས་ འོས་འབབ་ཡོད་མི་ཚུ་ལུ་ ངེས་སྦྱོར་ལག་ཁྱེར་དང་ གསོལ་རས་ཚུ་ མཐར་འཁྱོལ་ཅན་སྦེ་ གནང་པའི་ཤུལ་ལས་ འགྲེམ་སྟོན་ཅིག་ཡང་ འགོ་འབྱེད་མཛད་གནང་ནུག།.
དུས་སྟོན་དེ་ཁར་ མི་དབང་རྒྱལ་ཡུམ་ སངས་རྒྱས་ཆོས་སྒྲོན་དབང་ཕྱུག་མཆོག་དང་ མི་དབང་རྒྱལ་སྲསམོ་ ཨུཏྤལ་མ་ཆོས་སྒྲོན་དབང་ཕྱུག་མཆོག་གིས་ དབུ་བཞུགས་མཛད་གནང་ཡོདཔ་ད་ དེ་བསྒང་ མི་རྗེ་བློན་ཆེན་དང་ ཆེ་མཐོའི་སྐུ་མགྲོན་ཚུ་ཡང་ བྱོན་ཡོདཔ་ཨིན་པས།
དེ་མ་ཚད་ རྒྱལ་ཁབ་མཐའ་དབུས་མེད་པའི་ རིག་རྩལཔ་དང་ དང་འདོད་ཅན་གྱི་ ལག་བཟོཔཚུ་གིས་ཡང་ གྲལ་གཏོགས་འབད་ཡོདཔ་ད་ དུས་སྟོན་དེ་ནང་ འབྲུག་གི་ལམ་སྲོལ་སྣ་ཚོགས་དང་ ལག་བཟོཔ་ཚུ་གི་ ཁྱད་དུ་འཕགས་པའི་ རིག་རྩལ་དང་ མཁས་རྩལ་ཚུ་ལུ་ གཙོ་བོར་བཏོན་ནུག།
རྒྱལ་ཡོངས་བཟོ་བཀོད་དང་ རིག་རྩལ་འགྲན་བསྡུར་གྱི་ འགྲེམ་སྟོན་དང་ ཚོང་སྒྱུར་དེ་ མི་མང་གི་དོན་ལུ་ སྤྱི་ཟླ་ ༤ པའི་ཚེས་ ༥ ལས་ ༢༠ གི་བར་ན་ རྒྱལ་འཛིན་ཐགས་རིགས་སྤེལ་ཁང་ནང་ སྒོ་ཕྱེ་སྟེ་ བཞག་ནི་ཨིན་པའི་གནས་ཚུལ།
Users Today : 1155
Users Yesterday : 1867
This Month : 19843
This Year : 183527
Total Users : 541504
Views Today : 1852
Total views : 1701160
Who's Online : 8