སོ་ནམ་བློན་པོ་གིས་ གངས་རི་ཧ་ཟས་ལས་སྡེའི་ བཀོད་ཁྱབ་གཙོ་འཛིན་འགོ་དཔོན་དང་མཇལ་ཕྲད།

སྤྱི་ཟླ་ ༤ པའི་ཚེས་ ༥ ལུ་ གངས་རི་ཧ་ཟས་ལས་སྡེའི་ བཀོད་ཁྱབ་གཙོ་འཛིན་འགོ་དཔོན་ ཌོག་ཊར་ཤཱོན་ཝཱཊ་སཱོན་ སོ་ནམ་བློན་པོའི་ སྐུ་མདུན་ལུ་ བཅར་ཞིནམ་ལས་ ལས་སྡེ་དེ་གི་ འདས་པའི་ལས་དོན་ཚུ་དང་ ད་རེས་ ལག་ཐོག་ཡོད་མི་ལཱ་ དེ་ལས་ མ་འོངས་པའི་ འཆར་གཞི་ཚུ་གི་སྐོར་ལས་ སྙན་འབུལ་ཞུ་ནུག།
དེ་མ་ཚད་ གངས་རི་ཧ་ཟས་ལས་སྡེའི་ བར་སྐབས་ཅིག་གི་ བརྩོན་ཤུགས་སྐོར་ལས་ གསུང་གྲོས་གནང་པའི་སྐབས་ལུ་ སོ་ནམ་བློན་པོ་མཆོག་ ཧ་ཟས་ཤིང་ཐོག་ལྡུམ་རའི་ནང་ གཟིགས་སྐོར་ལུ་བྱོན་ཏེ་ ལས་འགུལ་ཚུ་ལུ་ ཐད་ཀར་དུ་ གཟིགས་ཞིབ་གནང་དགོ་པའི་ ཞུ་བ་ཡང་ ཕུལ་ཡོདཔ་ཨིན་པས།
སོ་ནམ་བློན་པོ་གིས་ གངས་རི་ཧ་ཟས་ལས་སྡེ་གིས་ འབྲུག་རྒྱལ་ཁབ་ནང་ ཕན་ཐོགས་སྦོམ་ བྱུང་མི་ལུ་ ངལ་རངས་ཡོད་ལུགས་དང་ ལྷན་ཁག་གི་ བརྩོན་ཤུགས་ནང་ མཉམ་འབྲེལ་འབད་ནི་གི་ གོ་སྐབས་ཡོད་ལུགས་ཚུ་ཡང་ གསུངས་གནང་ཡོད་པའི་གནས་ཚུལ།

Please follow and like us: