མ་ཡཱན་མར་གྱི་ ཁྲོམ་ཚོགས་ཅིག་ ངོ་རྒོལ་དམག་སྡེ་གིས་ དབང་ལེན་འབད་ཡོདཔ།

རོའི་ཊརཛ།
སྤྱི་ཟླ་ ༤ པའི་ཚེས་ ༡༢ ལུ་ མ་ཡཱན་མར་གྱི་ ས་མཚམས་ཁར་ མི་རློབས་ ༢༠༠,༠༠༠ དེ་ཅིག་ཡོད་མི་ ཁྲོམ་ཚོགས་མི་ཡ་ཝ་དི་ལུ་ དྲག་པོའི་སྲིད་གཞུང་དང་ ངོ་རྒོལ་དམག་སྡེའི་བར་ན་ ཕྱད་མདའ་རྐྱབ་པའི་ཤུལ་ལས་ ངོ་རྒོལ་དམག་སྡེ་གིས་ དབང་ལེན་འབད་ནུག།
དེ་ཡང་ ངོ་རྒོལ་དམག་སྡེ་གིས་ ཁྲོམ་ཚོགས་མི་ཡ་ཝ་དི་ དབང་ལེན་འབད་བའི་ཤུལ་ལས་ དྲག་པོའི་སྲིད་གཞུང་གི་ དམག་མི་ཚུ་གིས་ མཁའ་དམག་ཐོག་ལས་ གནོད་འཚུབ་མ་བཀལ་ག་མནོ་བའི་ འཇིགས་སྣང་ཐོག་ལུ་ སྡོད་དགོཔ་ཐོན་ཏེ་ཡོདཔ་ཨིན་པས།
མཐའ་ཡས་ལེན་ ཕྱི་འབྲེལ་བློན་པོ་གིས་ མ་ཡཱན་མར་ལས་ སྐྱབས་བཅོལ་བ་གྲངས་མེད་ཅིག་ མཐའ་ཡས་ལེན་ལུ་ ལྷོད་ནི་བཟུམ་ཅིག་ཡོདཔ་ལས་ མཐའ་ཡས་ལེན་གཞུང་གིས་ གྲ་སྒྲིག་ཚུ་འབད་བའི་ཁར་ མ་ཡཱན་མར་གཞུང་གི་ དམག་སྡེ་ལུ་ཡང་ གནོད་འཚུབ་ཚུ་ མར་ཕབ་འབད་དགོ་པའི་ ནན་སྐུལ་འབད་ནུག།
དེ་མ་ཚད་ མཐའ་ཡས་ལེན་གྱིས་ ཤར་ལྷོ་ཨེ་ཤི་ཡ་ རྒྱལ་ཁབ་ཚོགས་པའི་ འཐུས་མི་ཚུ་དང་གཅིག་ཁར་ མ་ཡཱན་མར་ལུ་ ཞི་བདེ་བསྐྱར་བཙུགས་ཀྱི་དོན་ལས་ ལཱ་ཚུ་འབད་དོ་ཡོདཔ་སྦེ་ཡང་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: