རྒྱ་གར་ལུ་ གཞུང་སྐྱོང་སྲིད་ཚོགས་བཙག་འཐུ།

ཨཱལ་ཇ་ཟི་ར།
རྒྱལ་གར་ལུ་ གཞུང་སྐྱོང་སྲིད་ཚོགས་ བཙག་འཐུའི་དོན་ལས་ ཚོགས་རྒྱན་ཚུ་ གོ་རིམ་བཞིན་དུ་སྦེ་ བསྐྱུར་དོ་ཡོདཔ་ད་ དེ་ཡང་ གོ་རིམ་དང་པའི་ནང་ མི་སེར་ས་ཡ་ལས་བཅད་མི་ཚུ་གིས་ ཚོགས་རྒྱན་བསྐྱུར་ཡོདཔ་བཞིན་དུ་ ད་རེས་ཀྱི་ བཙག་འཐུའི་ནང་ལས་ཡང་ བློན་ཆེན་མོ་དི་དེ་ བཙག་འཐུ་གྲུབ་སྟེ་ གནས་ཡུན་ ༣ གྱི་རིང་ལུ་ གཞུང་སྐྱོང་ནི་གི་ རེ་བ་ཡོདཔ་ཨིན་པས།
བཙག་འཐུ་དེ་ནང་ བློན་ཆེན་མོ་དིའི་སྲིད་ཚོགས་ བྷ་ར་ཏི་ཡ་ ཇ་ན་ཏ་པར་ཊི་ལུ་ སྲིད་ཚོགས་ཁལ་ལྷགཔ་ཅིག་ གཅིག་སྒྲིལ་ཐོག་ལས་ དམངས་གཙོའི་རིང་ལུགས་ཀྱི་ གཙུག་སྡེ་ཉེན་སྲུང་འབད་དགོ་པའི་ བརྗོད་དོན་ཐོག་ལུ་ དོ་འགྲན་འབད་དོ་ཡོདཔ་ཨིན་པས།
དེ་སྦེ་ ཚོགས་རྒྱན་བསྐྱུར་ནི་ འགོ་མ་བཙུགས་པའི་ཧེ་མར་ བློན་ཆེན་མོ་དི་གིས་ མི་སེར་ཚུ་ལུ་ རང་སོའི་ཚོགས་རྒྱན་གྱི་ དབང་ཆ་ལག་ལེན་འཐབ་སྟེ་ མི་སེར་ཡོངས་ཀྱིས་ ཚོགས་རྒྱན་བཙུགས་དགོ་པའི་ ནན་སྐུལ་འབད་ཡོདཔ་ད་ བྷ་ར་ཏི་ཡ་ ཇ་ན་ཏ་པར་ཊི་ལུ་ དོ་འགྲན་འབད་མི་གཙོ་བོ་ ཨིན་ཌི་ཡན་ ནེ་ཤ་ནཱལ་ ཀོང་གེ་རེཛ་གི་ ཁ་ཐུག་ལས་ཡང་ ཞེ་སྡང་དང་ དྲང་བདེན་མེད་པའི་ གནད་དོན་ཚུ་ མཇུག་བསྡུ་གཏང་ཐབས་ལུ་ ཚོགས་རྒྱན་བསྐྱུར་དགོ་པའི་ བརྗོད་དོན་ཅིག་ཡང་ ཁྱབ་སྤེལ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: