རྒྱ་གར་གྱི་ ཚོགས་ཁང་འོགམ་ ལོག་ས་བྷའི་དོན་ལུ་ བཙག་འཐུ་གོ་རིམ་ ༢ པ་མཇུག་སྡུད།

ཨེན་ཌི་ཊི་ཝི།
སྤྱི་ཟླ་ ༤ པའི་ཚེས་ ༢༦ ལུ་ རྒྱ་གར་གྱི་བློན་ཆེན་ ན་རེན་ད་ར་ མོ་དི་གིས་ གསུངས་དོ་བཟུམ་འབད་བ་ཅིན་ ཚོགས་ཁང་འོགམ་ ལོག་ས་བྷའི་དོན་ལས་ བཙག་འཐུ་གོ་རིམ་ ༢ པ་དེ་ བི་ཇེ་པི་གིས་ འགོ་ཁྲིད་འོག་ལུ་ ཨེན་ཌི་ཨེ་ སྲིད་ཚོགས་ལུ་ ཐུན་མོང་མ་ཡིན་པའི་ རྒྱབ་སྐྱོར་ཡོདཔ་ལས་ གནམ་མེད་ས་མེད་ ལེགས་ཤོམ་སོང་ཡི་ཟེར་ཨིན་པས།
བློན་ཆེན་མོ་དི་གིས་ མི་སྡེ་བརྡ་བརྒྱུད་ནང་ རྒྱ་གར་རྒྱལ་ཁབ་ མཐའ་དབུས་གེ་རའི་ནང་ ཚོགས་རྒྱན་བཙུགས་མི་ཚུ་ལུ་ བཀྲིན་ཆེ་ཟེར་ བཀོད་དེ་ཡོདཔ་ད་ ཚོགས་རྒྱན་བཙུགས་མི་ཚུ་གིས་ ཨེན་ཌི་ཨེ་ལུ་ རྒྱབ་སྐྱོར་སྦོམ་ཡོད་ནི་དེ་གིས་ ལྡོག་ཕྱོགས་སྲིད་ཚོགས་ཚུ་ སེམས་ཕམ་འོང་ཟེར་བཀོད་ནུག།
དེ་མ་ཚད་ ཚོགས་རྒྱན་བཙུགས་མི་ཚུ་ལུ་ ཨེན་ཌི་ཨེའི་ གཞུང་སྐྱོང་ལེགས་ཤོམ་དེ་ དགོ་ནི་ཨིན་པའི་ རྟགས་མཚན་དང་ ན་གཞོན་དང་ ཨམ་སྲུ་ཚུ་གིས་ཡང་ ཨེན་ཌི་ཨེ་ལུ་ རྒྱབ་སྐྱོར་ཐོག་ལས་ དབང་ཚད་སྤྲོད་དོ་ཡོདཔ་སྦེ་ བཀོད་དེ་ཡོདཔ་ཨིན་པས།
བློན་ཆེན་མོ་དི་གིས་ སྤྱི་ཟླ་ ༤ པའི་ཚེས་ ༡༩ ལུ་ བཙག་འཐུ་གོ་རིམ་དང་པའི་ཤུལ་ལུ་ཡང་ དེ་བཟུམ་མའི་ བསམ་བརྗོད་ཚུ་ བཀོད་དེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: